Պատրաստեք այս համեղ սենդվիչները:
Բաղադրիչները
4 բաժնի համար
- 3-4 հատ ձու
- 1 հատ խնձոր
- 3-4 հատ մարինացված թթու վարունգ (կորնիշոն)
- 1/2 գլուխ սպիտակ կամ մանուշակագույն սոխ
- կանաչ սոխ կամ այլ կանաչի՝ ըստ ճաշակի
- 2 ճ.գ. մայոնեզ
- 2 ճ.գ. թթվասեր
- 1/3 թ.գ. կարի
- աղ, աղացած սև պղպեղ՝ ըստ ճաշակի
- մի քանի կտոր հաց
- մի քանի հատ հազարի տերև
Պատրաստման եղանակը
- Ձվերը եփեք, հովացրեք ու մաքրեք, ոչ մեծ կտորներով կտրատեք: Փոքր կտորներով կտրատեք նաև կորնիշոններն ու խնձորը: Սոխն ու կանաչին մանր կտրատեք:
- Մայոնեզը խառնեք թթվասերի, կարիի, աղացած սև պղպեղի ու աղի հետ: Ավելացրեք կտրտած բաղադրիչներին ու խառնեք:
- Հացի կտորները թավայի կամ տոստերի մեջ տաքացրեք, չորացրեք, հետո հովացրեք:
- Վերցրեք հացի մի կտորը, վրան տեղադրեք հազարի տերևը, տերևի վրա լցրեք աղցանից մի փոքր մաս: Ծածկեք ևս մեկ հազարի տերևով ու հացի կտորով:
- Կրկնեք նույնը հացի մյուս կտորների ու մնացած աղցանի հետ: