Սատիրիկոն/Լուր-մեկնաբանություն
05.03.2021 / 14:00
Սատիրիկոն/Լուր-մեկնաբանություն
05.03.2021 / 12:00
Սատիրիկոն/Լուր-մեկնաբանություն
04.03.2021 / 21:00
Քաղաքական
04.03.2021 / 20:00
Սատիրիկոն/Լուր-մեկնաբանություն
04.03.2021 / 19:00
19.02.2021   17:00
278

Հողերը դասակարգելը դեռ մշակել չի նշանակում


Ջուր տվեք

Արմավիրի մարզի Տալվորիկ համայնքի 1781 հեկտար վարելահողից տարեկան լավագույն դեպքում մոտ 1000 հեկտարն է մշակվում, մնացածը չի օգտագործվում:

Սակայն, շուտով չօգտագործվող հողերի արդյունավետությունը բարձրացնելու և մշակովի դարձնելու նպատակով կդասակարգվեն:

ՀՀ ազգային ժողովը երկրորդ ընթերցմամբ և ամբողջությամբ ընդունել է Հողային օրենսգրքում լրացում նախատեսող օրենքի նախագիծը, որով առաջարկվում է սահմանել գյուղատնտեսական նշանակության հողերը որպես չօգտագործվող դասակարգելու չափանիշները:

Օրինագծի նպատակը չօգտագործվող գյուղատնտեսական նշանակության հողերի բացահայտման և տվյալների բազայի ստեղծման համար անհրաժեշտ օրենսդրական հիմքի ստեղծումն է: Ըստ առաջարկվող փոփոխության՝ գյուղատնտեսական նշանակության հողերը որպես չօգտագործվող դասակարգելու չափանիշները և դրանց հաշվառման կարգը սահմանում է կառավարությունը:

Տալվորիկ համայնքի ղեկավար Կիրակոս Սաղաթելյանի կարծիքով՝ որպեսզի հողերը մշակովի դառնան, պետությունը պետք է այս ու այն կողմ չընկնի, միայն գյուղացուն ոռոգման ջրով ապահովի և կարճ ժամանակ անց կտեսնի, որ անմշակ հող գրեթե չկա:

«ՉԻ»-ի հետ զրույցում նա վստահեցրեց, որ յուրաքանչյուր տարի կարող են մշակովի հողերի ծավալն ավելացնել՝ հասցնելով 1400 հեկտարի, եթե ոռոգման ջրի խնդիր չլինի:

Բայց գյուղաշխատանքների եռուն շրջանում, հաճախ ոռոգման ջուրը դաշտ չի հասնում, վարկերի տակ կքած գյուղացին էլ հրաժարվում է հող մշակել:

«Բաղրամյանի և Արմավիրի տարածաշրջանները սնվում են Ախուրյանի ջրամբարից: Օգտվում ենք նաև խորքային հորերից, որոնք, ինչպես գիտեք, այդքան էլ շատ չեն: 650 հեկտար պտղի և խաղողի այգիներ ունենք, բայց ոռոգման սեզոնին խնդրի առաջ ենք կանգնում և ջրի պատճառով բերքը տուժում է»,- դժգոհեց համայնքի ղեկավարը:

Տալվորիկը միակ համայնքն է, որտեղ արդեն 4 տարի է, ինչ շատ արժեքավոր բույս են աճեցնում. 40 հեկտար հողակտորի վրա սննդարար ծնեբեկ են մշակում: Պատրաստվում են այս թանկարժեք բույսն ավելի շատ աճեցնել՝ 80-100 հեկտար տարածությունը վերածելով ծնեբեկի դաշտի, եթե ոռոգման ջուրը քչություն չանի: Այսպիսով նաև համայնքում 200 աշխատատեղ կբացվի:

Հողերը չմշակելու երկրորդ պատճառը համայնքապետը որակյալ սերմերի բացակայությունն է համարում: Նեղսրտում է, որ թուրքական սերմերն անորակ են:

«Ես իսրայելական սերմերի արտադրության կենտրոն եմ զանգել, որ գնեմ, ինձ պատասխանել են, որ մեր կառավարությունը պայմանագիր չունի կնքած, և մենք չեն կարողացել այն գնել: Իսրայելը, Հոլանդիան ամենաբարձրակարգ սերմնարտադրության կենտրոններն ունեն: Կարելի է կառավարական մակարդակով դիմել և ձեռք բերել»,- նկատեց Կիրակոս Սաղաթելյանը:

Ըստ նրա՝ մինչև չօգտագործվող հողերը դասակարգելն անհրաժեշտ է ոռոգման ջրի ու սերմերի հարցը լուծել: Տալվորիկի համայնքապետն առաջարկում է անձրևաջրերի կուտակման ջրամբարներ ստեղծել, գոնե այն որոշ չափով ամռան տապին չորացող բույսին կյանք կտա:

Գյուղտեխնիկա է պետք

Հողերի դասակարգումը դեռ այն մշակովի դարձնել չի նշանակում՝ պնդում է «Ֆերմերային շարժում» ՀԿ նախագահ Սարգիս Սեդրակյանը: Հիշեցնում է՝ հողերի մշակովի դարձնելու մոդել կիրառում էին Խորհրդային միությունում, երբ ֆինանսական ռեսուրսներ ներդնելով՝ քարքարոտ տարածքները բերրի հողերի էին վերածում:

«Հողը դասակարգելիս պետք է ուշադրություն դարձնել, թե այն որքանով է պիտանի մշակելու համար: Օրինակ, շատ հողեր, որոնք վարելահողեր էին, հիմա մելիորացիայի ենթակա են: Այսինքն՝ հիմա սովորական գութանը չի կարող այդ հողի մեջ մտնել, որովհետև հողը կենդանի օրգանիզմ է և ժամանակի ընթացքում քարանում է: Այստեղ արդեն պետք է կիրառել հատուկ տեխնոլոգիա հողը որակյալ դարձնելու նպատակով»,- նշեց մասնագետը:

Թեև ստույգ հաշվարկներ չունի, բայց Սարգիս Սեդրակյանը համոզված է, որ վերջին 2 տարվա ընթացքում Հայաստանում մշակող հողերի թիվը չի ավելացել: Ավելին, չի բացառում, որ այն անգամ նվազած լինի: Վիճակագրական տվյալները հենց նվազման մասին են փաստում:

Համաձայն ՀՀ 2019 թվականի հողային հաշվեկշռի և ՀՀ ազգային վիճակագրական ծառայության տվյալների՝ 444.8 հազար հա վարելահողերից 2019 թվականի հուլիսի 1-ի դրությամբ նպատակային չի օգտագործվել շուրջ 216.9 հազար հեկտարը կամ 48.8%-ը:

«Եթե գյուղացին հողը թողնում և գնում է խոպան, ապա այն ինքն իրեն պետք է մշակության համար պիտանի դառնա՞: Պետական հողեր չկան, որ այդ ուղղությամբ պետությունն աշխատի»,- մատնանշեց «Ֆերմերային շարժում» ՀԿ նախագահը:

Նրա խոսքով՝ պետությունը պետք է ֆինանսական ռեսուրսներ ներդնի, արհեստավարժ մասնագետներով համալրված կառույց ստեղծի և հասցեական քայլեր կատարի:

Փորձագետի համոզմամբ՝ նախևառաջ պետք է լուծվի գյուղտեխնիկայի հարցը, որպեսզի խոպան հողերը մշակվեն:

«Մեր հարևան Վրաստանն ունի լավագույն գյուղտեխնիկան, իսկ մեր գյուղերում նախկին սովետական գյուղմեքենաներն ու գործիքներն են՝ հնամաշ, հալից ընկած: Այդ գյուղատնտեսական մեքենաների ժամկետները վաղուց անցած են: Կոմբայն կա, որ աշխատելուց մասերը թափվում են»,- նշեց նա:

Արտագաղթի պատճառով հողերի մեծ մասն անմշակ է մնացել, անգամ դրանց սեփականատերերը հայտնի չեն: Ըստ Սարգիս Սեդրակյանի՝ հողերի դասակարգումը հենց այս անորոշությունը ճշտելու նպատակով է:

«Սակավահող երկրում ենք ապրում, պետք է ամեն թիզը մշակենք: Լավ մեքենաներ գոյություն ունեն, որոնք քարքարոտ տարածքներն աղում ու փռում են և հետագայում այն կարող ենք որպես վարելահող օգտագործել: Պետք է գյուղացուն ջուր և գյուղտեխնիկա տալ, ինչպես նաև ֆինանսներ ներդնել հողերը մշակելի դարձնելու նպատակով և ոչ թե ամպագոռգոռ հայտարարություններ անել»,- եզրափակեց «Ֆերմերային շարժում» ՀԿ նախագահը:

Մանյա Պողոսյան



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         գյուղատնտեսություն, Սարգիս Սեդրակյան, Մանյա Պողոսյան, Կիրակոս Սաղաթելյան


››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված








Ստոպ-կադր
Ստոպ-կադր
01.03.2021 / 582






















Բա սա կյա՞նք է
Բա սա կյա՞նք է
03.03.2021 / 305