21.08.2021   16:00
505

Իշխանության դիրքապահները


Ընտրեցիք ԱԺ: ԱԺ նախագահ և փոխնախագահներ ընտրեցին: Նիկոլ Փաշինյանն ընտրեց կառավարության կազմը: Վերջ: Արտգործնախարար էլ ունեք: Այսինքն՝ իշխանության բոլոր դիրքապահները տեղում են՝ ներառյալ ԱՄՆ-ում դեսպան Լիլիթ Մակունցին

Ընտրություններից հետո մեր քաղաքական և մերձքաղաքական դաշտի քննարկումների կիզակետում էր այն հարցը, թե որ պաշտոնն ով կզբաղեցնի, թե որ պաշտոնյան որքանով է պրոֆեսիոնալ, որն է ավելի համակրելի կամ տոլերանտ և այլն: Անիմաստ դատողությունների պակաս, իհարկե, չկա: Իսկ այս տիպի դատողություններն անիմաստ են, քանի որ իշխանությունն ունի մեկ դեմք՝ Նիկոլ Փաշինյան: Մնացածները դիրքապահներն են, որոնց հիմնական գործառույթը իշխանության հակառակորդներին չեզոքացնելն է: Չկասկածեք, որ պրոցեսը շարունակական է լինելու: Կոռուպցիայի դեմ պայքարը, դատական կամ սահմանադրական «բարեփոխումները» շղարշ են, որ ապահովում են «ներքին թշնամիներից» ազատվելու ծրագրի վերջնական իրականացումը: Ասվածն ապացուցելու համար տեսնենք, թե իրականում ինչ պետք է աներ իշխանությունը և փոխարենը ինչով է զբաղված պարտությունից հետո.

1.    Մի քիչ պատասխանատվության զգացում ունեցող իշխանությունը պատերազմից հետո պետք է հեռանար, այնինչ տղամարդկությունից պատեհ-անպատեհ խոսող վարչապետը հրաժարական չտվեց, որովհետև նրա համար կարևորը սեփական անվտանգությունն է և պաշտոնը:

2.    Երկրի սահմաններն ամրապնդելու փոխարեն ամրապնդեց իշխանության պաշտպանությունը՝ լիուլի օգտվելով պետական բյուջեի ընձեռած հնարավորություններից: Այսպես, ստեղծվեց պարեկային նոր ծառայություն, դրանից առաջ բարձրացվեցին ոստիկանների աշխատավարձերը, իսկ ԱԺ նախկին պատգամավորները հասցրին 5 անգամ ավելացնել «նորերի» ձեռքի փողը: Պարգևավճարների և թիմին տրվող այլ արտոնությունների մասին էլ չենք խոսում:

3.    ԱԺ-ում աննախադեպ հսկողություն է: Ընդ որում, սահմանափակվում են լրագրողների իրավունքները, այսինքն՝ խոսքի ազատությունը:

4.    Բարձր պաշտոնների են նշանակվում մարդիկ, որոնց անձնական հավատարմությանը Նիկոլ Փաշինյանը չի կասկածում կամ որոնց պարտական է: Եթե կուզեք, անվանե՛ք սա Արգիշտի Քյարամյանի սինդրոմ:

5.    Ինչպես բանակն է բարձիթողի վիճակում, այնպես էլ մեր երկրի արտաքին գործերն են: Մինչ թշնամի երկիրն այս երկու ոլորտներում էլ անխոնջ աշխատում է, ՀՀ բոլոր ասպարեզներում ձախողված վարչախմբի ղեկավարը մեկը մեկից անպատասխանատու հայտարարություններ է անում: Օր.՝ բոլոր միջոցներով սեփական անվտանգությունն ապահովողը պետության սահմանների անվտանգության համար մուննաթ է գալիս ՀԱՊԿ-ի, Ռուսաստանի, հետո էլ՝ Մինսկի խմբի համանախագահների վրա:

6.    Կոռուպցիայի դեմ պայքարի քողի տակ հաշվեհարդար է տեսնում «նախկինների», իրականում ընդդիմության ներկայացուցիչների հետ:

7.    Դատական համակարգի բարեփոխումների ծեծված թեման նրան հնարավորություն է տալու ձեռնասուն դատարաններ ունենալու: Ի դեպ, դատավորներին էլ են գնելու պետական բյուջեի հաշվին, ինչի մասին արդեն բարձրաձայն հայտարարում են: Օր.՝ ԲԴԽ փաստացի ղեկավարը պնդում է, որ դատավորը պետք է 5000 դոլար աշխատավարձ ստանա:

8.    Սահմանադրական փոփոխություններ չեն լինելու, իսկ եթե լինեն էլ, ընդլայնելու են վարչապետի՝ առանց այդ էլ անսահմանափակ լիազորությունները:

Թվարկումը կարելի է շարունակել, սակայն այսքանն էլ բավական է, որ հասկանանք, թե ինչու էր ՀՀ առաջին նախագահ Լևոն Տեր-Պետրոսյանը Ն. Փաշինյանի իշխանությունն ավելի մեծ վտանգ համարում, քան թուրքականն ու ադրբեջանականը: 

Մենք իսկապես կանգնած ենք նոր պատերազմի շեմին: Մենք իշխանություն չունենք: Արտահերթ ընտրությունները հարց չլուծեցին: 

Պատրանքներ չունենք: Հայաստանի հիմնական խնդիրը մնացել է նույնը՝ ծանրագույն վիճակում ունենալ համարժեք իշխանություն, որի խնդիրը ոչ թե սեփական անձի պաշտպանությունն է, այլ երկրի: Պարզից էլ պարզ է, որ Ն. Փաշինյանին և իր դիրքապահներին պետությունը, մեր և ձեր անվտանգությունը չեն հետաքրքրում: Ուստի պետք է արագ, շատ արագ ուշքի գալ և լուծել երկրի կարևորագույն խնդիրը:

Գրիգոր Խաչիկյան

Հ.Գ. Փախչելու հույս չունենաք: Ինքնաթիռներում տեղերը սահմանափակ են լինելու: 



 Պիտակներ

         Գրիգոր Խաչիկյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1285