«Կորոնավիրուսն ու արտակարգ դրությունը խանգարել են նաև ԱԱԾ նախկին տնօրեն Արթուր Վանեցյանին՝ խափանել նրա պլանները։ Դեռ 15-20 օր առաջ նա նախատեսում էր իր կուսակցության հիմնադիր համագումարը հրավիրել, սակայն արտակարգ դրության ռեժիմն ու հանրային միջոցառումներ անցկացնելու արգելքը թույլ չտվեցին։ Այս ընթացքում արդեն մոտ 1700 մարդ՝ տարբեր ճանապարհներով, կապվել է նրա հետ և ցանկություն հայտնել՝ անդամագրվելու նրա կուսակցությանը, սակայն համագումարի օրն անգամ դեռ նշանակված չէ։ Մենք տեղեկացանք, որ Արթուր Վանեցյանն ընկերների հետ քննարկում է անգամ առցանց համագումար անցկացնելու տարբերակը, որ կուսակցության ձևավորումը շատ չուշանա»,- գրում է «Հրապարակ» թերթը:
«ՉԻ». Իրականում Արթուր Վանեցյանը պետք է շնորհակալ լինի արտակարգ դրությունից ու կորոնավիրուսից, որ հետաձգում են կուսակցություն բացելու իր ստանձնած պարտավորությունները: Պետք է շնորհակալ լինի, որ հետաձգվում է նաև քաղաքական դաշտում խայտառակ լինելու ու ֆիասկո ապրելու անխուսափելի հեռանկարը: Ճիշտ այնպիսին, ինչպիսին ունեցավ մասնագիտական՝ ազգային անվտանգության ոլորտում:
Զավեշտալի է նաև 1700 հոգու մասին տեղեկատվությունը: Տեսնես ինչպես է պարզել, թե նրանցից քանիսն են ֆեյք, քանիսն են ուրիշ կուսակցությունների անդամագրված, քանիսն են ուրիշ պետությունների քաղաքացի, քանիսն են պարզապես պարապությունից գրել՝ barev sirun poncho txa և այլն:
Առայժմ հայտնի է միայն մեկ հոգի, որ համաձայնվել է խայտառակ լինել Վանեցյանի հետ՝ Հրայր Թովմասյանի պաշտոնավարման համար պաշտոնական կեղծիքի մեջ մեղադրվող Արսեն Բաբայանը: Այսինքն՝ մեկը, ով մինչև Վանեցյանը փորձի կուսակցություն բացել, կարող է հայտնվել ճաղերի հետևում:
Այսինքն, եթե Վանեցյանը կարողանա կուսակցություն բացել, այն ամբողջապես կազմված է լինելու նախկին իշխանության երկրորդ և երրորդ էշելոնի գործիչներից: Մարդկանցից, ովքեր անվերապահ կատարել են նախկին ռեժիմի պարագլուխների հրահանգները և հիմա հայտնվել են խաղից դուրս վիճակում: