Երեքշաբթի 29.09.2020 14:59

Լուրեր
29.09.2020 / 13:40
Սատիրիկոն/Լուր-մեկնաբանություն
29.09.2020 / 13:15
Քաղաքական
29.09.2020 / 12:30
Քաղաքական
29.09.2020 / 12:00
17.08.2020   21:00
969

Կրկնվող պատմություն, որը քչերը գիտեն


Նախկին բռնցքամարտիկ Իսրայել Հակոբկոխյանը շարունակում է իր հացադուլը: Պահանջները նույնն են՝ ԼԳՏԲ, ԱԳԼՃԿ, տարատեսակ կոնվենցիաների մերժում, պատմության ճիշտ դասագրքեր և այլն: 

Ներկայիս ջահելությունը, իհարկե, չգիտի, բայց ավագ սերնդի ներկայացուցիչները միգուցե հիշեն Չարլզ Հայդերին: Դա ամերիկացի աստղաֆիզիկ էր, որը 1986 թվականին հացադուլ էր հայտարարել Վաշինգթոնում՝ Սպիտակ Տան առջև: Եթե հավատանք խորհրդային պատմագրությանը, ապա Հայդերի հացադուլը տևել է 218 օր:

Ներկայիս սերունդը նույնիսկ չի կարող պատկերացնել, թե ինչպես էր Հայդերի հացադուլը լուսաբանվում ԽՍՀՄ-ում: Այն ժամանակ ընդամենը մի լրատվական ծրագիր կար՝ «Վրեմյան»: Այն պարտադիր սկսվում էր Չարլզ Հայդերից: «Աշխարհահռչակ գիտնականը շարունակում է իր հացադուլը», «Ամբողջ մարդկությունը հետևում է մեծ հումանիստի անդուլ պայքարին ընդդեմ ամերիկյան միլիտարիզմի», «Հայդերի պայքարը հանուն խաղաղության շարունակվում է» և նմանատիպ որակումներով էին սկսվում «Վրեմյայի» ռեպորտաժները: Գրեթե ամեն օր այդ գիտնականից հարցազրույց էին վերցնում, նրա լուսանկարները խորհրդային կենտրոնական թերթերի առաջին էջերից չէին իջնում, ԽՍՀՄ-ի տարբեր քաղաքներում աշխատավոր կոլեկտիվները ցույցեր էին անում՝ իրենց զորակցությունը հայտնելով մեծ գիտնականին ու հումանիստին: Եվ այսպես 200 օր շարունակ: 

Իսկ ահա ԱՄՆ-ում Հայդերի հացադուլն այդպես էլ աննկատ մնաց: Ամեն օր նրա կողքով մարդիկ գնում էին գործի, տուն գալիս, տեսնում էին, իհարկե, որ մի մարդ Սպիտակ Տան առջև նստած ակցիա է անում, մի երկու լրագրող-օպերատոր նրան խոսեցնում են, բայց դա ամերիկացիների համար շատ սովորական երևույթ էր, ամեն օր տասնյակ մարդիկ Սպիտակ Տան առջև նստացույց էին անում, վանկարկում, պլակատներ պարզում: Հազարավոր մարդիկ այնտեղով անցնում էին, ու ոչ ոք չգիտեր, թե այդ միրուքավոր մարդը ինչ է պահանջում: Էլ չգիտեին, որ ԽՍՀՄ-ում այդ մարդը արդեն քանի ամիս գլխավոր նյուսմեյքերն էր:

Հայդերը դրանցից մեկն էր, մանավանդ, որ նա ոչ մի աշխարհահռչակ չէր, միջին կարգի գիտաշխատող էր, բայց ԱՄՆ-ի հետ քարոզչական պատերազմում նման մեկը խիստ անհրաժեշտ էր, որովհետև այդ տարիներին ԽՍՀՄ-ում և ամբողջ աշխարհում թնդում էր Անդրեյ Սախարովի անունը: Իսկ Սախարովը իսկապես լուրջ դեմք էր: ԽՍՀՄ սոցիալիստական աշխատանքի եռակի հերոս, Նոբելյան մրցանակի դափնեկիր, աշխարհահռչակ ֆիզիկոս, ԽՍՀՄ-ում ջրածնային ռումբի հիմնական ստեղծողն էր: Ու երբ նա սկսեց քննադատել խորհրդային կարգերը, ԽՍՀՄ-ի միլիտարիստական քաղաքականությունը, միջուկային մրցավազքը, և Կրեմլը նրան սկսեց հալածել, Սախարովը Արևմուտքում ճանաչվեց որպես խորհրդային թիվ մեկ այլախոհ, դիսիդենտական շարժման ամենավառ ներկայացուցիչ:

ԽՍՀՄ-ի համար դա շատ ծանր քարոզչական ապտակ էր, դրա համար ընկած, հակաքայլ էին մտածում: Վերջը, Հայդերին կպցրին, ու վերջինս դարձավ իբր թե Սախարովի հակակշիռը Արևմուտքում: Նույնիսկ Հայդերի պահանջներն էին նույնը. սպառազինությունների մրցավազքի դադարեցում, ԱՄՆ-ն էլ պետք է հրաժարվի միջուկային զենքից և նրա փորձարկումներից: Մեկը մեկին նույն պահանջները: Ուղղակի պահանջ դնողները տարբեր քաշային կարգերում էին: Սախարովը դեմք էր, Հայդերը՝ ոչ ոք: Մինչև ինտերնետը չփորփրեք, իր մասին չեք իմանա:

Հիմա մենք Հայաստանում ունենք տեղական Հայդերին՝ Իսրայել Հակոբկոխյանին: Լրիվ նույն խորհրդային-պրիմիտիվ պատկերն է: Իհարկե, մենք բոլորս էլ Հակոբկոխյանին ճանաչում ենք, նա իսկապես անվանի բռնցքամարտիկ է եղել, աշխարհի չեմպիոն, Եվրոպայի չեմպիոն, բայց հիմա ինքը հացադուլ է անում, ու ոչ ոք չգիտի, թե նրա ուզածն ինչ է: Վստահեցնում ենք, ինքն էլ չգիտի: Պահանջների ինչ-որ ստանդարտ հավաքածու է, կողքից ասել են, սա էլ կրկնում է: Ումից է պահանջում, ինչ է պահանջում, ում դեմ է հացադուլը, ինչ լուծումներ է տեսնում իր այդ իբր պահանջների համար, ոչ ոք չգիտի: 

Բայց քոչարյանական լրատվամիջոցները ամեն օր իրենց լուրերը սկսում են Իսրայել Հակոբկոխյանով: «Աշխարհահռչակ մարզիկը շարունակում է իր հացադուլը», «Ամբողջ հայությունը հետևում է մեծ մարդու անդուլ պայքարին ընդդեմ սորոսական լիբերալիզմի», «Հակոբկոխյանի պայքարը հանուն ազգային ինքնապահպանության շարունակվում է»: Վերնագրերն էլ են նույնը: Գնում են, ամեն օր նրանից հարցազրույց են վերցնում, ուղիղ միացումներ տալիս, քոչարյանական վարձկանները գնում, կողքը կանգնում, սելֆի-մելֆի են անում: Հատկապես շատ հզոր էր, երբ ղարաբաղյան շարժման, Հայաստանի անկախության գործընթացի մասնակիցներից մեկը՝ Դավիթ Շահնազարյանը, գնացել էր ու փարվում էր մի մարդու հետ, որի հագին CCCР գրությամբ շապիկ էր: Մի ուրիշ ժամանակ Դավիթ Շահնազարյանը կբռներ ու ծվեն-ծվեն կաներ այդ շապիկը, չէր էլ նայի, դիմացինն ով է: Но это было давно и неправда:

Այս պատմության մեջ միայն Իսրայել Հակոբկոխյանն է մեր մեղքը գալիս: Ուղղակի ցավալի է, որ այս մարդուն այսպես օգտագործում են քարոզչական նպատակներով: Սարքել են երկրորդ Հայդերը: Բայց եթե Իսոն թույլ է տալիս, որ իրեն օգտագործեն, մենք ի՞նչ ասենք:



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Դավիթ Շահնազարյան, Չարլզ Հայդեր, Իսրայել Հակոբկոխյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















Մալադե´ց, աներ
Մալադե´ց, աներ
11.09.2020 / 1526




















Վազիր դատարան
Վազիր դատարան
23.09.2020 / 902