Երեքշաբթի 29.09.2020 23:34

Սատիրիկոն/Լուր-մեկնաբանություն
29.09.2020 / 20:30
Սատիրիկոն/Լուր-մեկնաբանություն
29.09.2020 / 19:00
Սատիրիկոն/Լուր-մեկնաբանություն
29.09.2020 / 17:30
Քաղաքական
29.09.2020 / 16:00
Լուրեր
29.09.2020 / 13:40
Սատիրիկոն/Լուր-մեկնաբանություն
29.09.2020 / 13:15
11.08.2020   21:30
606

Լուկաշենկոն ու հայ իրականության պատեհապաշտները


Երեկվանից հայկական իրականությունը եռում է մի հարցի շուրջ՝ բուռն քննարկման առարկա դարձնելով ՀՀ վարչապետ Նիկոլ Փաշինյանի շնորհավորանքը Բելառուսի «վերընտրված» նախագահ Ալեքսանդր Լուկաշենկոյին։ Քննարկողները բաժանվել են երկու բանակի, մի մասը դատափետում է Փաշինյանին՝ շտապ շնորհավորելու համար, մյուս մասը՝ արդարացնում ու քաղաքական-դիվանագիտական տեսակետից ճիշտ համարում նրա քայլը։

Իհարկե, այս երկու հակընդդեմ կարծիքներում էլ հնչում են օբյեկտիվ դատողություններ, փաստարկված մտքեր, առարկայական եզրահանգումներ, սակայն մեր հրապարկման մեջ կանդրադառնանք այս երկու խմբերի արձագանքների՝ հատկապես ծայրահեղանակացված ու աբսուրդային դրսևորումներին, որոնք աչքի են ընկնում քաղաքական պատեհապաշտությամբ ու անսկզբունքայնությամբ։

Խոսքը վերաբերում է մի կողմից ռոբասերժական շրջանակների, մյուս կողմից՝ Փաշինյանի ջերմեռանդ, մոլի պաշտպանների արձագանքներին։

Դժվար չէ հասկանալ, որ առաջինները վարչապետի քայլը դատափետողների շարքում են, երկրորդները՝ արդարացնողների։

Իսկական սյուրռեալիզմ է, որ ռոբասերժական մտածողության մարդիկ են քննադատում Նիկոլ Փաշինյանի շնորհավորանքը, այն էլ այն հիմնավորմամբ, թե Լուկաշենկոն կեղծել է ընտրությունները, երկրով մեկ իսկական ջարդ է կազմակերպել ընտրությունների արդյունքներից դժգոհ ցուցարարների հանդեպ, հետընտրական ցնցումները դեռ շարունակվում են, և ահա այս վիճակում Հայաստանի ղեկավարը արագորեն շտապում է շնորհավորել չընտրված բռնակալին։ 

Այս ամենը կարող է ու իրավունք ունի ասել ցանկացած ոք, բայց ոչ երբեք ռոբասերժական դասի մարդիկ, քանի որ այս ամենը նաև ժամանակին իրենց քաղաքական հայրերի չընտրության ու ցուցարարներին ծեծելու, նրանց վրա կրակելու, սպանելու մասին է։ 

Դժվար չէ ենթադրել, որ եթե Փաշինյանը չշնորհավորեր Լուկաշենկոյին, այս նույն մարդիկ էլի դատափետելու էին նրան՝ ասելով, թե ՀՀ վարչապետը սեպ է խրում հայ-բելառուսական հարաբերությունների մեջ, թշնամանում ԵԱՏՄ ու ՀԱՊԿ կարևոր գործընկերոջ հետ, վտանգում Հայաստանի անվտանգությունը և այլն, և այլն։

Քաղաքական պատեհապաշտության այս նույն կեցվածքը վերաբերում է նաև Նիկոլ Փաշինյանի մոլի, անվերապահ պաշտպաններին, որոնք արդարացնում ու փառաբանում են Փաշինյանի ցանկացած քայլ ու որոշում՝ համարելով, թե նա ինչ անում է, միշտ ճիշտ է։

Եթե Փաշինյանը չշնորհավորեր Լուկաշենկոյին, այս անվերապահ պաշտպանները էլ ավելի հպարտորեն գովերգելու էին նրա քայլը՝ ասելով, թե, իհարկե, Հայաստանում հեղափոխություն իրականացրած, Մարտի 1, ցուցարարների ծեծուջարդ, կեղծված ընտրություններ տեսած ու այդ դրսևորումները մերժած, ժողովրդավարական արժեհամակարգ ունեցող մարդը ինչպես կարող է շնորհավորել կեղծիքներով ու բռնաճնշումներով նախագահի աթոռը բռնազավթած բռնապետին։ 

Համլետ Կիրակոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Համլետ Կիրակոսյան, Նիկոլ Փաշինյան, Ալեքսանդր Լուկաշենկո


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

















Մալադե´ց, աներ
Մալադե´ց, աներ
11.09.2020 / 1527





















Վազիր դատարան
Վազիր դատարան
23.09.2020 / 911