Տիգրան Արզաքանցյանի կինը՝ Նատալյա Ռոտենբերգը, անդրադառնալով Մարմնամարզության ֆեդերացիայի այն որոշմանը, որով դադարեցրել են իր հետ համագործակցությունը, խոստովանել է, որ ֆեդերացիայում իր գործունեության ընթացքում զբաղվել է քաղաքականությամբ. «Գագիկ Ծառուկյանը և Սերժ Սարգսյանը կլինեն օլիմպիադայի, ֆեդերացիայի նախագահ ու քաղաքական գործիչ, ես՝ ո՞չ»:
«ՉԻ». Պահ, պահ, պահ: Էս ի՞նչ ախորժակներ ունի մեր Նատալը: Միանգամից Գագիկ Ծառուկյանի ու Սերժ Սարգսյանի հետ է ոտք գցում:
Սա շատ հեռուն կգնա: Ամբիցիաները հելել, իրեն միջից ուտում են: Ընդամենը 1,5 ամիս է ֆեդերացիայում եղել ու հասցրել է մարմնամարզությամբ զբաղվող երեխաների ծնողներին զանգել, առաջարկել ամուսնու կուսակցությանը անդամագրվել ու էլի լիքը նման բաներ:
Գուցե մտածել է, քանի որ ամուսինը շաբաթը մեկ՝ որպես արտախորհրդարանական ուժ, գնում Փաշինյանի հետ կոֆե է խմում, ուրեմն՝ արդեն մի հատ մեծ «դաբրո» ունի:
Իսկ Ծառուկյանը պետք է մտահոգվի. իրեն շատ լուրջ մրցակից է հայտնվել: