Հինգշաբթի 05.08.2021 13:18

18.06.2021   19:00
416

Մի՛ շտապեք հրաժարվել անցյալից


Անցյալը բոլորիս հայելին է: Անցյալն արտացոլվում է ապագայում:

Եվ այսպես, առանց «ինտելեկտուալ» սեթևեթանքի, առանց բոլորից խելացի երևալու մարմաջի՝ ներկայացնենք փաստեր.

1.    30 տարի առաջ մենք ստեղծեցինք անկախ պետություն և ստիպված եղանք դիմադրել փլված կայսրության տնտեսական աղետին, երկրաշարժի հետևանքներին: Պատերազմը պայթեց իր ողջ ծավալով:

2.    1991-1994 թթ. պատերազմական տարիներին կայացավ հայոց բանակը, պետական համակարգը: Հայաստանը ճանաչելի և ընդունելի դարձավ համաշխարհային ասպարեզում՝ որպես անկախ, ինքնիշխան, ժողովրդավարական պետություն:

3.    1994 թվականին Ադրբեջանին պարտադրվեց հրադադարի համաձայնագիր, որի դե ֆակտո կողմերից էր արցախահայությունը: Հաղթանակների, պետության կայացման նախագահը Լևոն Տեր-Պետրոսյանն էր, որի քաղաքականությունը զերծ էր պոպուլիզմի զանգուլակներից, իրատեսական էր, գիտականորեն ճշգրիտ:

4.    1997 թվականին ՀՀ նախագահ Լևոն Տեր-Պետրոսյանը հանրությանը ներկայացրեց Արցախի խնդրի լուծման տարբերակ, որ մեզ հնարավորություն կտար զարգանալու, տարածաշրջանային ավելի ուժեղ գործոն դառնալու, արցախյան հաղթանակն ամրապնդելու: Հայտնի ուժերը՝ Վազգեն Սարգսյանը, Ռոբերտ Քոչարյանը և Սերժ Սարգսյանը, դեմ էին այդ լուծմանը, հետևաբար դեմ էին արժանապատիվ խաղաղությանը:

5.    1998 թ.-ին Լևոն Տեր-Պետրոսյանը հրաժարական տվեց՝ երկիրը փրկելով քաղաքացիական բախումներից:

6.    1998-2018 թթ. Հայաստանում իշխող հայտնի ուժերը ներքաղաքական խոսույթից դուրս էին մղել արցախյան խնդրի խաղաղ կարգավորումը: Հիմնական լոզունգներից էր՝ «Հող հանձնողին հանձնենք հողին»: 

7.    Սակայն 2008 թ. նախագահական և հատկապես 2017 թ. խորհրդարանական ընտրությունների ժամանակ Լևոն Տեր-Պետրոսյանը և նրա քաղաքական ուժը՝ ՀԱԿ-ը, փորձեցին հանրության ուշադրությունը բևեռել քաղաքական կարևորագույն հարցի՝ պատերազմի և խաղաղության խնդրի վրա: 2008-ին ընդդիմությանը պատասխանեցին մարտի մեկով, իսկ 2017-ին մեր մանր պրագմատիկ և շա՜տ ռոմանտիկ հանրությունը խաղաղության գաղափարին տվեց 1,5 տոկոս ձայն:

8.    2018-ի պսևդոհեղափոխությունից հետո նորընտիր լիդերը՝ Նիկոլ Փաշինյանը, որոշեց նախորդներից ավելի ազգային երևալ և գիժ ձևանալով՝ վիժեցրեց արցախյան բանակցությունները:

9.    2020-ին Սևրի պայմանագրի հարյուրամյակը նշող հեքիաթասաց, ոչմիթիզական կառավարությունը ստացավ կործանարար պատերազմ: Արդյունքը բոլորդ գիտեք, սակայն դեռ չեք պատկերացնում աղետի մասշտաբը:

10.    Պարտված իշխանությունը բնականաբար չունեցավ բարոյականություն և չհեռացավ: Ոչ միայն չհեռացավ, այլև շարունակում է իր ամոթալի երթը՝ նորանոր աղետներ խոստանալով երկրին:

11.    2021թ. Հունիսի 20-ին՝ երկու օրից, ընտրություն է: Մենք ունենք երկու բևեռ.

ա.  Ազգակործան պատուհաս Նիկոլ Փաշինյան, 97-ից արժանապատիվ խաղաղության ծրագիրը մերժած Ռոբերտ Քոչարյան և Սերժ Սարգսյան:

բ. Լևոն Տեր-Պետրոսյանի գլխավորած Հայ ազգային կոնգրես: 

Առաջին բևեռը ձեզ խոստանում է ամեն ինչ՝ չասելով, թե ինչպես:

Երկրորդ բևեռը ձեզ հեքիաթ չի պատմում, ծովից ծով Հայաստան չի խոստանում, բայց ունի բավարար փորձ և գիտելիք՝ երկիրն աղետալի վիճակից հանելու, պետության փշրանքները փրկելու և մեզ դեպի արժանապատիվ խաղաղություն տանելու համար:

Ուստի դարձյալ ընտրելու եք խաղաղություն կամ պատերազմ: Լա՛վ մտածեք՝ ինչ եք ուզում՝ նախկինների՞ն պատժել, երևակայական ուժեղ ձե՞ռք, թե՞ ամուր պետություն և խաղաղություն: 

Սիրո թավշյա խոստովանությունները և էժանագին մուրճը, ազգայնական փետուրները և միակտղամարդկությունը աղետ և նոր պատերազմ են բերելու մեր գլխին: Մի՛ փախեք անցյալից, բայց նաև մի՛ կրկնեք անցյալի սխալները:

Զարուհի Գաբրիելյան



 Պիտակներ

         Ռոբերտ Քոչարյան, Նիկոլ Փաշինյան, ՀԱԿ, Զարուհի Գաբրիելյան, արտահերթ ընտրություններ, Լևոն Տեր-Պետրոսյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
































37-ի երկրպագուն
37-ի երկրպագուն
07.01.2021 / 7097