Լուր-մեկնաբանություն
06.06.2020 / 10:00
Քաղաքական
06.06.2020 / 09:30
Լուրեր
06.06.2020 / 09:00
4rd.am на русском
06.06.2020 / 09:00
Լուր-մեկնաբանություն
05.06.2020 / 22:00
Լուր-մեկնաբանություն
05.06.2020 / 21:00
22.05.2020   21:00
674

Միհրան Հակոբյանը սաղ խառնել է իրար


Փաշինյանական իշխանության հասցեին նախկինների քննադատությունն ամեն անգամ զավեշտի է վերածվում այն պատճառով, որ նրանք այդպես էլ չեն կարողանում գտնել քննադատելու ճիշտ անկյունը։ Մեծ մասամբ այս մարդիկ ներկա իշխանությանը գնահատում են իրենց մերժված իշխանության արժեքաբանության ու վարքի համատեքստում, հավասարության նշան դնում նրանց միջև, նորերին վերագրում բաներ, որոնք հատուկ են եղել նախկիններին, և ահա այս դիրքերից քննադատելով գործողներին՝ հայտնվում են «դասականի» ասած՝ կուստուրիցական վիճակում։

ՀՀԿ-ական նախկին պատգամավոր, ներկայում միշիկական քարոզչական մեքենայի առաջամարտիկ «Քառյակ մեդիայի» անդամ Միհրան Հակոբյանն անդրադառնալով Հայաստանում տեղի ունեցող քաղաքական գործընթացներին՝ նկարագրում է մի վիճակ, որը տող առ տող համընկնում է իր պաշտելի Սերժ Սարգսյանի (նաև Ռոբերտ Քոչարյանի) իշխանության տարիների վիճակին ու սերժական ռեժիմի գործողություններին։ 

Մի փոքր կանխատեսում անելով Փաշինյանի իշխանության հնարավոր գործողությունների մասին՝ ՀՀԿ-միշիկական սույն քարոզիչը, օրինակ, ասում է. «Կառավարչական աղետի ու սովի մատնված ժողովրդի հարցերը բարձրաձայնող ընդդիմադիրներին ժողվարչապետը աննախադեպ ու աննորմալ ռեպրեսիաների է ենթարկելու: Խորհրդարանական ընդդիմությունից օրինակ՝ Ծառուկյանի շրջապատին ժողվարչապետը կալանավորելու է, հարկայինով մտնելու է բիզնեսներ ու հաշիվների վրա կալանքներ դնի»: 

2015 թվականի փետրվար։ Իշխանությանը քննադատող Գագիկ Ծառուկյանին հրապարակավ քաղաքականապես ոչնչացնելով, Սերժ Սարգսյանն անցավ նրա ու իր շրջապատի դեմ ռեպրեսիաների, Ծառուկյանին մոտ կանգնած տասնյակ մարդկանց ձերբակալեց, հարկայինով մուտք գործեց վերջիններիս բիզնեսներ, կալանքներ դրեց հաշիվների վրա, խոշոր տուգանքներ գրեց, ճնշեց, նեղեց։ Արդյունքում՝ Ծառուկյանը հեռացավ ակտիվ քաղաքականությունից։ (Այլ պատմություն է Սարգսյանի ու Ծառուկյանի հետագա վերամերձացումը)։

Միշիկական քառյակիստ Միհրան Հակոբյանն այնուհետ ասում է. «Մարուքյանին ու նրա պատգամավորներին պերմանենտ ծեծելու է: Արտախորհրդարանական ուժերի մասով նույնպես ոչնչի առաջ չի կանգնելու: Անխտիր բոլորին փորձելու է կալանավորել»: 

Ռոբասերժական ռեժիմի շատ ծանոթ պատմություն է, չէ՞։ Տասնյակներով կարելի է օրինակներ բերել, երբ իր կուռք զույգ նախագահների իշխանության տարիներին ծեծել են ընդդիմադիր պատգամավորների, կալանավորել հարյուրավոր ընդդիմադիրների, հետապնդել նրանց ու իրենց ընտանիքներին, զրկել աշխատանքից։
Միհրան Հակոբյանը նաև ասում է, թե Փաշինյանը «գրպանային ընդդիմություն է ձևավորում, ժողվարչապետի հաճախորդները ձևանալու են ընդդիմություն»։ 

Տնաշենը գոնե անվանումները փոխի, հաճախորդների փոխարեն մեկ այլ բառ օգտագործի։ Չէ, դա էլ չի անում ու բառացի կրկնում է Սերժ Սարգսյանի ժամանակների կեղծ ընդդիմադիրներին տրված անվանումը։ Հաճախորդը բացառապես Սերժ Սարգսյանի ստեղծած ու նրան սպասարկած տասնյակ կուսակցությունների ու գործիչների հավաքական անվանումն է։ Ի դեպ, նրանց այդպես անվանել է հենց Սերժ Սարգսյանը։

Մի խոսքով, Միհրան Հակոբյանը ներկայացնում է մի պատմություն, որը ներկայացնում է իր նախկին շեֆ ու այսօրվա շեֆի աներ Սերժ Սարգսյանի իշխանավարման տարիների ճշգրիտ պատկերը։

Համլետ Կիրակոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Միհրան Հակոբյան, Համլետ Կիրակոսյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված












































«ՉԻ» ռիթմով
«ՉԻ» ռիթմով
06.06.2020 / 45