ՀՀ վարչապետ Նիկոլ Փաշինյանը, ասուլիսում անդրադառնալով նրան, որ դեռևս 2009-ին ինքը բանտից նամակ-ուղերձ է հղել Վրաստանի այն ժամանակվա նախագահ Միխեիլ Սաակաշվիլիին, ասել է. «Կյանքը տենց դաժան ու հետաքրքիր բան է, էն ժամանակ իմ մտքով կանցնե՞ր, որ գալու է մի օր, որ ինչպես ես եմ բանտից իրեն գրում, ինքն է բանտից ինձ գրելու»:
«ՉԻ». Վերջում պետք էր ոչ թե վերջակետ դնել, այլ՝ բազմակետ: Այսինքն՝ շարունակելի:
Մեզանից ոչ մեկի մտքով, այդ թվում՝ Փաշինյանի, հիմա չի անցնում, որ դաժան կյանքի հորձանուտներում մի օր Սաակաշվիլին նորից ազատ կարձակվի, իսկ Նիկոլ Փաշինյանը... այ, այստեղ արդեն բազմակետը պարտադիր է:
Մեր մտքի թելը բազմակետով կտրվեց, բայց դա ձեզանից ոչ մեկին չի խանգարում մտքով անցկացնել դաժան ու հետաքրքիր բաներ:
Նամակ, նամակ,
Նամակ էլ կստանաս...