ՀՀ արդարադատության նախարար Ռուստամ Բադասյանը՝ անդրադառնալով մամուլի տեղեկություններին, որ Վահրամ Ավետիսյանի թեկնածությունն իր առաջարկով էր ներկայացվել, ասել է. «Վահրամ Ավետիսյանը ՍԴ դատավորի իմ թեկնածուն չի եղել: Ինչու ենք կենտրոնացել նրա վրա: Եղել էր կառավարության կողմից առաջադրված թեկնածություն, քննարկումների արդյունքում առաջացել էր իրավիճակ, որից ելքը գտնվեց: Պարոն Ավետիսյանը հրաժարվեց հետագա պրոցեսին մասնակցելուց»:
«ՉԻ». Այստեղ երկու տարբերակ կա. կամ մենք քաղաքականությունից բան չենք հասկանում, կամ էլ՝ Ռուստամ Բադասյանն ահավոր վատ հիշողություն ունի:
Դատեք ինքներդ. ընդամենը 10 օր առաջ՝ օգոստոսի 20-ին, «Ազատության» ֆեյսբուքյան ասուլիսում անդրադառնալով Վահրամ Ավետիսյանի թեկնածությանը, Ռուստամ Բադասյանն ասել էր բառացիորեն հետևյալը. «Քննարկվել են մի շարք թեկնածություններ և նույն անձի կողմից ներկայացվել են մի քանի թեկնածուներ, այդ թվում՝ իմ կողմից են ներկայացվել թեկնածուներ, և, այո, Վահրամ Ավետիսյանի թեկնածությունը ես եմ ներկայացրել կառավարության քննարկմանը»:
Հետագա շահարկումներից խուսափելու համար նաև նախարարի այդ խոսքի տեսագրությունն էլ ենք կցում:
Հիմա Ռուստամ Բադասյանն ասում է, որ Վահրամ Ավետիսյանը ՍԴ դատավորի իր թեկնածուն չի եղել: Հիմա Ռուստամ Բադասյաններից ո՞ր մեկն է ճիշտ ասում: Սա ի՞նչ տուն-տունիկ է:
Հ.Գ. Բայց Ռուստամ Բադասյանը սողանցքի տեղ ունի. նա կարող է ասել, որ Վահրամ Ավետիսյանը իր թեկնածուն չի եղել, այլ ընդամենը ներկայացրել է նրան: Այսինքն, իրեն ասել են, որ դու Վահրամ Ավետիսյանի թեկնածությունը կառաջադրես: Այսինքն, ինքը ստիպված է առաջադրել Վահրամ Ավետիսյանին: Բայց կներեք, նախարար մարդ եք, եթե ձեզ ստիպում են ձեր կամքին հակառակ քայլեր անել, էլ ինչո՞ւ եք նախարար աշխատում:
Do i posleОпубликовано Ինչպես է դա եղել Понедельник, 31 августа 2020 г.