«Վերջին հարցումները փաստում են մի բան, որ ներկայիս իշխանության վարկանիշն ընկնում է, իսկ «Հայաստան» դաշինքի վարկանիշը կտրուկ աճում է»։
Դիտարկման հեղինակը Քոչարյանի փաստաբան, ներկայումս նաև «Հայաստան» դաշինքի ներկայացուցիչ Արամ Վարդևանյանն է:
«ՉԻ». Դե լավ հա, կտրուկ: Իսկ գուցե ներկայացնե՞ք, թե որտեղ եք անցկացրել հարցումները, ովքեր են մասնակցել և ով է անցկացրել հարցումը: Ձեր շտաբներում հարցում եք անցկացնում, ձեզ թվում է, թե շեշտակի աճում է: Վաղն էլ կհայտարարեք, թե երկրաչափական պրոգրեսիայով է աճում:
Բա կտրուկ աճող վարկանիշի պայմաններում ինչո՞ւ եք բավարարվում դահլիճային հանդիպումներով, ինչո՞ւ եք մանրակրկիտ ընտրում, թե ովքեր պետք է մասնակցեն այդ հանդիպումներին:
Գործող իշխանության վարկանիշի անկումն էլ ձեզ մի վերագրեք: Նրանք այնքան շնորհքով են, որ իրենց օգնող պետք չէ: Իրենք իրենց գործունեությամբ 3 տարի անում են ամեն ինչ, որ գահավիժումը չկանգնի: