Սատիրիկոն/Լուր-մեկնաբանություն
27.11.2020 / 19:00
Սատիրիկոն/Լուր-մեկնաբանություն
27.11.2020 / 17:30
Քաղաքական
27.11.2020 / 16:00
Սատիրիկոն/Լուր-մեկնաբանություն
27.11.2020 / 15:00
Սատիրիկոն/Լուր-մեկնաբանություն
27.11.2020 / 13:15
10.11.2020   20:30
744

Ողբի փոխարեն


Եվ զիա՞րդ լինիցի այդ, փոխանակել զիմ ախտացեալ ոչխարն ընդ առողջ գազանին, որոյ առողջութիւնն է մեզ պատուհաս:
Սահակ Պարթև, 5-րդ դար

Ցավոք, մեծն Սահակ Պարթևն այս իմատնությանը հանգեց երկու հզոր արքաների կործանումից հետո: Հայ նախարարներն ու եկեղեցու առաջնորդը մատնեցին, ապա և դարերով աղավաղեցին Արշակ Երկրորդի և Պապի կերպարները: Դարերով: Եվ դարեր շարունակ խարխափեցինք անպետություն, անղեկ: Ինչո՞ւ: Որովհետև պետականությունից վեր դասվեցին խմբակային շահերը: Որովհետև ավելի հեշտ թվաց սեփական հարցերը օտարի հետ լուծելու կործանարար գաղափարը: Որովհետև անհեռատեսությունը, քաղաքական կարճատեսությունը, ցանկալին իրականության տեղ դնելու անպտուղ վարքագիծը դարձան գենետիկ համախտանիշ: 

Չէ՛, ժողովուրդը մեղք չունի: Ժողովուրդն ու հայ զինվորը, զենքը ձեռքին սեփական ընտանիքն ու հողը պաշտպանող մարդիկ մեղք չունեն: Խոսքս ազգիս երևելիների մասին է: Ինչպես ուզում եք նրանց հորջորջեք՝ նախարարներ, ազնվականներ, հողատերեր, մելիքներ, կուսակցապետեր կամ մտավորականներ: 

Վերջին առնվազն 24 տարիներին մեզնից շատերը զբաղված են եղել ինքնախաբեությամբ: Վերջին առնվազն 24 տարիներին հերոսացրել են նրանց, ովքեր մեր պետականությունն են պատրաստ եղել զիջել՝ սեփական հավակնությունները բավարարելու նպատակով: Որովհետև նրանք հասարակությանը կերակրում էին սիրուն, բայց իրականությունից չափազանց հեռու գաղափարներով: Համաշխարահային ազգն ու Սևրի դաշնագիրը՝ ձեզ նվեր: Որովհետև նրանց պետք էր իշխանություն ամեն գնով: Այո՛, ամեն գնով: 

Ցավոք, հաջողեցին: Ցավոք, մեր միջի բանական ձայնը խլացվեց և կորսվեց արժանապատիվ, կրկնում եմ՝ արժանապատիվ խաղաղության հասնելու, բանակի մեջքը չկոտրելու հնարավորությունը: 

Իսկ հիմա ամենակարևորի՝ պետականության մասին: Հայաստանում չի կարող լինել անիշխանություն. մենք այս շռայլության իրավունքը չունենք: Հայաստանում ամեն գնով պետք է բացառել քաղաքացիական բախումները: 

Եվ երեկվա խայտառակ դեպքը՝ ԱԺ նախագահի հետ կատարվածը, ինչպես նաև խորհրդարանական և կառավարական շենքերում տեղի ունեցած վայրագությունները պետք է անմիջապես դատապարտվեն թե՛ հանրության, թե՛ քաղաքական ուժերի կողմից: Դրանց պետք է իրավական գնահատական տալ:

Հիշեցնեմ՝ այս դեպքը միակը չէ անկախ Հայաստանի պատմության մեջ: 1996 թվականի սեպտեմբերի 25-ին նախագահացու Վազգեն Մանուկյանի կողմնակիցները ֆիզիկական հաշվեհարդար տեսան ԱԺ նախագահի և փոխնախագահի նկատմամբ: Ցավոք, հանրության ուժգին պարսավանքին ջարդարարները չարժանացան, իսկ ներկայիս վարչապետը, իշխանության ղեկը ստանձնելով, ներողություն խնդրեց նրանց պարագլխից...

Արդ, արագ, առանց ողբի և սենտիմենտների պետք է գործի դնել պետական բոլոր համակարգերը: Որովհետև 96-ից հակապետական գործունեություն ծավալած ուժերը նույնն են ուզում՝ իշխանություն՝ պետականության կորստի գնով:

Մենք դրա իրավունքը չունենք:

Զարուհի Գաբրիելյան

Հ.Գ. Նույնն էի ասելու, եթե այսօր իշխանության գլուխ լիներ Սերժ Սարգսյանը կամ Ռոբերտ Քոչարյանը: Ինչո՞ւ: Կբացատրեմ հաջորդիվ, եթե, իհարկե, չհասկացաք:



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Զարուհի Գաբրիելյան


››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները

Ամենաընթերցված

Բա
Բա
20.11.2020 / 13650








Բա ո՞ւր ես, ապեր
Բա ո՞ւր ես, ապեր
12.11.2020 / 3194






Հիմա էլ սրանք
Հիմա էլ սրանք
04.11.2020 / 2364


Ի՞նչ եք ծխում
Ի՞նչ եք ծխում
24.11.2020 / 1964

























Թամադա Իշխանը
Թամադա Իշխանը
13.11.2020 / 1032






Սկսիր կնոջիցդ
Սկսիր կնոջիցդ
23.11.2020 / 931


Ձե՛նդ, այ...
Ձե՛նդ, այ...
17.11.2020 / 919