17.10.2019   09:30
4357

Փրկել շարքային Բալասանյանին


Արցախի Անվտանգության խորհրդի նախկին քարտուղար Վիտալի Բալասանյանի՝ վերջին շրջանի գործունեությունը, իհարկե, չի կարող չմտահոգել Հայաստանի և Արցախի հանրությանը: Ուղղակի արդեն բացահայտ կերպով Բալասանյանը փորձում է սեպ խրել հայ ժողովրդի երկու հատվածների միջև, իսկ նրա ցինիկ հայտարարությունները Հայաստանի իշխանությունների վերաբերյալ, տեռորով և շանտաժներով սպառնալը, ընդհանրապես վեր էր բոլորիս երևակայությունից: Բոլոր նրանք, ովքեր ճանաչում են Վիտալի Բալասանյանին, միաբերան շեշտում են, որ նա այսպիսին չի եղել, ոնց որ լրիվ ուրիշ մարդ լինի:

Վիտալի Բալասանյանին ճանաչողները պատմում են, որ նա բավական հավասարակշռված, զուսպ, սպայի պատիվը բարձր պահող, սպային հարիր արժանապատվություն, կացուձև ունեցող անձնավորություն էր: Զորամասեր է ղեկավարել, որտեղ նրա մասին շարքային զինվորները մինչև հիմա էլ լավ կարծիք ունեն: Ու հենց իր հետ շփված, իրեն լավ ճանաչողներն են շոկի մեջ, թե ինչպես կարող էր կարճ ժամանակահատվածում այսպես կերպարանափոխվել: Այսինքն, մարդը, որը գնահատում էր խոսքի արժեքը, հիմա դարձել է բամբասչի, ստախոս, ուրացող: Հերոսից դարձել է հակահերոս: Արցախ պահողից՝ Արցախ պառակտող: 

Հնարավո՞ր է հիմա փրկել այս մարդուն: Այսինքն, խելքի բերել, բանականության մեջ տեղավորել, վերադարձնել այն հեղինակությունն ու հարգանքը, որը նա վաստակել էր արցախյան ազատամարտում: Որովհետև ինքը պրծել է: Չկա այլևս Արցախի հերոս Վիտալի Բալասանյանը: Ինքն այսուհետ հեղինակություն կարող է լինել միայն Գառնիկ Իսագուլյանի, Մենուա Հարությունյանի ու Քոչարյանի նմանատիպ վարձկանների համար: Նրանց շարքերը համալրելով, ինքն էլ դարձավ շարքային:

Սրա պատասխանը Ռոբերտ Քոչարյանի ու Սերժ Սարգսյանի անցած ճանապարհում է: Մարդիկ, որոնք Արցախյան պատերազմի ընթացքում վայելում էին հայ հասարակության համակրանքը, համարվում էին հմուտ ղեկավարներ, կապ չունի, թե նրանց վերագրվող քաջոգործությունների քանի տոկոսն էր իրական, քանիսը՝ մտացածին: 

Բայց պատերազմը ավարտելուց հետո այս մարդկանց համար չավարտվեց կյանքի այն փուլը, որտեղ զենքի լեզվով են խոսում: Իսկ խաղաղ պայմաններում նրանք իսկական աղետ դարձան Արցախի ու հետո նաև՝ Հայաստանի համար: Որ ասում են՝ թշնամուն չէինք ցանկանա նման ղեկավարներ, Սերժ Սարգսյանի ու Ռոբերտ Քոչարյանի մասին է: Մինչև հիմա պատերազմի մեջ են, Հայաստանում 20 տարվա նրանց ճանապարհը լրիվ արյամբ է ներկված: Սրան ավելացավ ագահությունը, փառամոլությունը, եսասիրությունը, ատելությունը այն ամենի հանդեպ, ինչը խորթ է նրանց արժեքային համակարգին, անհանդուրժողականությունը ցանկացած այլախոհության հանդեպ, ուրացողությունը հենց իրենց անցած ճանապարհի, ընկերների հանդեպ: Այս ամենն ի վերջո հանգեցրին նրան, որ նրանցից մեկն այսօր հայտնվել է մեղադրյալի աթոռին, մյուսին էլ ժողովրդական հեղեղը սրբեց Բաղրամյան 26-ից:

Վիտալի Բալասանյանն ընտրեց Սերժ-Ռոբերտ ճանապարհը: Ճանապարհ, որը կարող է իրեն ինչ-որ պաշտոնների հասցնի, փող ու բիզնես բերի, բայց դա ճանապարհ է դեպի ոչինչ, դեպի հասարակական բացարձակ արհամարհանք: Ընդամենը մի ամիս է, ինչ սկսել է իրեն դրսևորել իբր քաղաքական գործիչ, ու իր ասած ամեն նախադասության հետ ստախոսության, երկերեսանիության, ընկերների հացն ուրանալու, ատելության և անգրագիտության դոզան ավելանում է: Արդեն այնքան փաստ է խեղաթյուրել, որ մի քանի մարդու կյանքի կհերիքեր: 

Ու հիմա ինքն է սպառնում դառնալ նույնպիսի աղետ, ինչպես նրան այս ստախոսության և ատելության ճանապարհին դրած քոչարյանականները: Եթե կուզեք, ապա Վիտալի Բալասանյանին այսպես փչացնելու համար էլ Ռ. Քոչարյանն ու Սերժ Սարգսյանը պետք է պատասխանատվության ենթարկվեն: Արդեն այնքան մարդ են փչացրել, բարոյազրկել, որ նրանց փրկելը մի առանձին հերոսություն կլիներ:



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Վիտալի Բալասանյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված





























Ցինիկ և տխմար
Ցինիկ և տխմար
13.04.2021 / 577


Ստոպ-կադր
Ստոպ-կադր
11.04.2021 / 550















Հերքում
Հերքում
12.04.2021 / 480