08.03.2021   14:15
390

Քոչարյանականները օգտվում են բոլշևիկների տեխնոլոգիաներից


Ռոբերտ Քոչարյանին սպասարկող քաղաքագետներից Անդրանիկ Թևանյանը մի ծավալուն վերլուծություն է գրել, թե ինչու պետք է ժամ առաջ ազատվել Նիկոլ Փաշինյանից: Բայց հետաքրքիրը հետգրությունն է. «Նիկոլի մնալը վարչապետի աթոռին նշանակում է նոր պատերազմ։ Ռազմական գործողությունների թատերաբեմը լինելու է Սյունիքը, ապա՝ ամբողջ Հայաստանը։ Ալիևն այդ ամենի անոնսն արդեն տվեց։ Մեզ կատաստրոֆիկ քիչ ժամանակ է մնացել։ Հետո չասեք, թե զգուշացված չեք եղել։
ՀՀ բանակ, շարժվի՛ր»:

«ՉԻ». Այս մարդիկ չեն կողմնորոշվում՝ վերջապես Թուրքիային ու Ադրբեջանին ձե՞ռք է տալիս Փաշինյանի իշխանության մնալը, թե՞ ոչ: Առավոտյան մի բան են հայտարարում, երեկոյան՝ հերոսաբար հերքում իրենց առաջ քաշած թեզը:

Նույն տեքստում Թևանյանը գրում է նաև այսպիսի տողեր. «Թուրքերը խնդիր են դրել վերացնել Հայաստանը և դա անում են Նիկոլի ձեռքերով։ Վերջինս էլ իրեն ապահով ու անվտանգ է զգում թուրքական ազդեցության տակ, քանզի Հայաստանի սուբյեկտայնության պահպանության դեպքում ինքը դատվելու է»։ Անհասկանալի է, թե մեջբերված երկու միտքը մեկ տեքստում տեղավորելու համար ինչ խթանիչներ է պետք օգտագործել:

Եթե թուրքերին ձեռք է տալիս Փաշինյանի իշխանությունը, ապա ինչո՞ւ են կարծրացրել ռազմական հռետորաբանությունը: Հակառակը, եթե Փաշինյանի իշխանությունը նրանց սրտով է, ապա այս օրերին կլռեին, կմեղմեին իրենց հայտարարությունները՝ սպասելով, որ գործող իշխանությունը ամրապնդվի: Կսպասեին, որ տեղի ունենան արտահերթ ընտրություններ, որի արդյունքում իշխանության կմնա իրենց հովանավորյալը: Բայց ոչ:

Իրականությունը լրիվ հակառակն է: Որքան կարծրանում է Բաղրամյան փողոցում հավաքվածների հռետորաբանությունը, միանգամից ունիսոն սկսում են գործել Բաքվի և Անկարայի հայտարարությունները:

Եթե Փաշինյանը իրենց սրտով է՝ ի՞նչ իմաստ ունի պատերազմ սկսել: Հայաստանի իշխանությունը ինքնուրույն կզիջի այն, ինչին Թուրքիան և Ադրբեջանը կփորձեն հասնել պատերազմի միջոցով՝ խնդիրներ ստեղծելով նաև միջազգային ասպարեզում:

Եթե Բաքուն ու Անկարան իսկապես մտադրություն ունեն լայնածավալ պատերազմ սկսել Կովկասում, որքանո՞վ է արդարացված բանակին կոչ անել ոչ թե պաշտպանել Հայաստանի սահմանները, այլ գալ Երևան և մասնակիցը դառնալ քաղաքացիական պատերազմին:

Նույն ձեռագիրը ունեին բոլշևիկները առաջին համաշխարհային պատերազմի ժամանակ: Օգտվելով նրանից, որ ռուսական կայսերական բանակը ռազմաճակատում դժվարություններ ունի՝ քարոզում էին, թե Նիկոլայ Երկրորդը և նրա ընտանիքը, ունենալով գերմանական ծագում, ցանկանում են պարտության մատնել Ռուսաստանին: Արդյունքում կոչ էին անում զինվորներին լքել խրամատները, գալ Պետերբուրգ ու Մոսկվա և վերջ դնել կայսրությանը: Այդ հետո պարզվեց, թե որքան ունիսոն են գործում գերմանական գլխավոր շտաբը և բոլշևիկների կուսակցությունը:



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Անդրանիկ Թևանյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված




Տիկին, լա՞վ եք
Տիկին, լա՞վ եք
22.04.2021 / 1397































Ցինիկ և տխմար
Ցինիկ և տխմար
13.04.2021 / 584





Ստոպ-կադր
Ստոպ-կադր
11.04.2021 / 556







Совет да любовь