26.06.2020   16:00
553

Ռեստորանային ոլորտում 60-65%-անոց անկում է


«ՉԻ»-ի զրուցակիցն է ռեստորատոր, հանրային սննդի ոլորտի փորձագետ Աշոտ Բարսեղյանը:

- Պարոն Բարսեղյան, պարետի որոշմամբ արդեն գործում են հանրային սննդի օբյեկտերը: Ի՞նչ դիտարկումներ ունենք, ինչպե՞ս են աշխատում: Կարողանո՞ւմ են շրջանառություն վերականգնել: Հաճախորդներ ունեն: Այս ընթացքում որքանո՞վ հանրային սննդի օբյեկտների շրջանառությունը նվազեց:

- Ռեստորանային ոլորտը պատրաստ էր կոշտ կարանտինի դեռ արտակարգ դրություն հայտարարելու առաջին օրվանից՝ մարտ ամսից, և այդ օրերին բոլոր ռեստորանները պատրաստակամություն հայտնեցին անհրաժեշտ ժամանակով փակվել և վերաբացվել բոլոր հարկավոր գործողությունների կատարումից հետո: Բայց, ցավոք սրտի, մենք ականատես եղանք վիրուսի տարածման թերի կառավարման հետ և որպես հետևանք ունեցանք այն, ինչ կատարվում է այսօր` երկիրը և տնտեսությունը արդեն չորրորդ ամիսն է, գտնվում են անհասկանալի և անկանխատեսելի իրավիճակում: Մենք չտեսանք տրամաբանական գործողությունների հերթականություն, ինչի հետևանքով վերաբացումից ի վեր նույնիսկ մոտավոր չի վերականգնվում հաճախորդների հոսքերի փոքր մասը:

Միաժամանակ, տնտեսվարողի ուսերին են մնացել բոլոր ծախսային հոդվածները իրենց ամբողջ ծավալով: Պետությունը չառաջարկեց օգնության էֆեկտիվ ծրագրեր, արդյունքում ունենք բազում փակված ռեստորաններ: Ռեստորանների շրջանառությունը մնում է շատ ցածր մակարդակի վրա և չունի վերականգնման միտում: Հաշվի առնելով տուրիզմի և միջոցառումների չեղարկումները՝ կարող ենք ֆիքսել տարեկան շրջանառության 60-65 տոկոսանոց անկում: Խոսքը հարյուրավոր միլիոն դոլարների հասնող գումարային կորուստների մասին է:

- Մինչև հանրային սննդի օբյեկտների գործունեության վերահսկումը՝ հայտարարում էիք, որ այս ոլորտը վտանգի տակ է: Որոշ տնտեսվարողներ փակման եզրին են, կրճատում են աշխատակիցների թիվը: Հիմա ի՞նչ վիճակագրություն ունեք:

- Մեր ոլորտի առաջին փակման դեպքը գրանցվեց հենց արտակարգ դրության առաջին ամսվա ընթացքում և ցավով պետք է արձանագրեմ, որ փակումները շարունակվում են: Ոլորտում արդեն արձանագրվում է աշխատավարձերի անկում և աշխատատեղերի կրճատում: Ի պատիվ մեր կոլեգաների՝ պետք է արձանագրեմ, որ բոլոր տնտեսվարողները աշխատում են պահել բոլոր աշխատակիցներին, հերթափոխային համակարգով հրավիրելով նրանց աշխատանքի:

- Վերջին օրերին ռեստորաններում ընդհատակյա միջոցառումներ կազմակերպելու դեպքեր են բացահայտվում։ Վարչապետ Նիկոլ Փաշինյանն էլ հայտարարեց, որ կորոնավիրուսի տարածման աղբյուր են իր ձևակերպումով ասած ընդհատակյա հարսանիքները, հոգեհացի արարողությունները: Ռեստորանատերերը պարետի որոշումները հաշվի չե՞ն առնում։

- Միջոցառումների առումով գործում է արգելք և, ինչպես գիտեք, մի շարք ռեստորանների սեփականատերեր, միավորվելով կազմակերպիչների, աստղերի, երաժիշտների և մոջոցառումների կազմակերպման այլ ընկերությունների հետ, անցկացրեցին բողոքի ակցիա կառավարության առջև՝ պահանջելով թույլատրել անցկացնել միջոցառումներ: Պետք է ֆիքսեմ մեկ փաստ` միջոցառումների անցկացման պահանջարկը շարունակում է մնալ ստաբիլ և ինչպես տեղեկացանք` տեղի են ունենում տարբեր ֆորմատների արարողություններ: Ինձ հայտնի չեն կանոնը խախտող ռեստորաններ: Բայց, ինչպես ես երկու օր շարունակ Ազգային Ժողովում տարբեր խմբակցությունների հետ հանդիպման ժամանակ նշել եմ` մեր ոլորտին և տնտեսությանը ընդհանրապես խիստ անհրաժեշտ է կանխատեսելիություն, և տնտեսվարողները պետք է հստակ իմանան արտակարգ դրության վերացման օրացույցը:

- Կորոնավիրուսի տնտեսական հետևանքները չեզոքացնելուն ուղղված կառավարությունը քայլեր ուղղեց ՓՄՁ-ներին: Արդյո՞ք այդ քայլերով իրավիճակը մեղմացավ: Օգտվողներ եղա՞ն այդ ծրագրերից:

- Կառավարությունը նախաձեռնեց տարատեսակ միջոցառումներ, որոնք միտված էին տնտեսվարողների ծանրացած բեռի թեթևացմանը, բայց, անկեղծ ասած, ոչ մի ծրագրի էֆեկտիվությունը զգալի չէր, և ես շարունակում եմ մնալ իմ այն համոզմունքին, որ պետությունը պարտավոր էր կատարել ուղիղ ներգործություն` ներելով հարկերի և տուրքերի մասով պարտավորություններ, սահմանել աշխատակիցների հարկադիր պարապուրդի վճարման այլ կանոնակարգ՝ հավասարեցնելով այն մինիմալ փաթեթի շեմին, ներումներ նախատեսեր սոցվճարների մասով: Մենք նաև հասկացանք, որ ֆորս-մաժորի (անհաղթահարելի ուժի ազդեցության) մասով հարկավոր է կատարել օրենսդրական փոփոխություն՝ այլ երկրների օրինակով:

Մանյա Պողոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         ռեստորանային բիզնես, Աշոտ Բարսեղյան, կորոնավիրուս, Մանյա Պողոսյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Տիկին կոշկակարը






























Ստոպ-կադր
Ստոպ-կադր
04.07.2020 / 300







«ՉԻ» ռիթմով
«ՉԻ» ռիթմով
04.07.2020 / 175




В ритме «ЧИ»
В ритме «ЧИ»
04.07.2020 / 83