Երեքշաբթի 19.10.2021 01:22

04.08.2021   15:15
2310

Սադրանք և տեսարաններ. վտանգավոր դիլետանտիզմ


Ընտրություններն իսկապես ոչինչ չփոխեցին: Եթե խոսենք փաստերով, ապա կտեսնենք, որ Նիկոլ Փաշինյանի դիրքերն ամրապնդվեցին: Իսկ սա նշանակում է, որ Հայաստանի խնդիրների լուծումը դարձյալ կախված է լինելու մեկ մարդուց, և այդ մեկ մարդը նա է: Սա ցավալի և վտանգավոր իրողություն է, որ պետք է արձանագրել և հակաքայլեր մշակել: 

Ի՞նչ ենք տեսել Փաշինյանի իշխանության՝ պատերազմին նախորդող շրջանում: Նախկինների դեմ «պայքարը» պսակվեց աննախադեպ հաջողությամբ. Նախկիններն արդեն խորհրդարանական ընդդիմություն են: Առանձին քննության առարկա է Ն. Փաշինյանի պահվածքը պատերազմի շրջանում: Սակայն մի բան անփոփոխ է. այս մարդու հիմնական գործիքները պոպուլիզմն ու սադրանքն են: Եվ եթե ներքաղաքական ասպարեզում դրանք որոշակի արդյունք են բերել իրեն, ապա արտաքին քաղաքական ոլորտում իսկական աղետ են դարձել Հայաստանի և Արցախի համար: Հիշեցնենք, որ պատերազմին նախորդեցին բանակցություններից փաստացի հրաժարումը, անպատասխանատու հայտարարությունները Արցախի մասին, միջազգային կարևոր կենտրոնների հետ հարաբերությունների անհասկանալի, փչացած վիճակը:

Ցավոք, այսօր՝ պատերազմից և խայտառակ պարտությունից 9 ամիս անց, նրա գործունեության հիմնական սկզբունքները չեն փոխվել: 

Ապացույցը վերջին «նախաձեռնություններն» են: Այսպես, Ն. Փաշինյանը, ստանալով պողպատե մանդատ, անմիջապես սկսեց սադրել թե՛ Ռուսաստանին, թե՛ Արևմուտքին: Պարզաբանենք: ՀՀ վարչապետը նախ հայտարարեց, որ Ադրբեջանի հետ սահմանի երկայնքով կանգնելու են ռուս զինվորներ, այնուհետև արեց հետևյալ «առաջարկությունը»՝ սահմանին տեղակայել ՀԱՊԿ դիտորդական առաքելություն, և պայման դրեց՝ ասելով, որ դրա անհնարինության դեպքում Հայաստանը կդիմի ԵԱՀԿ Մինսկի խմբի համանախագահ երկրներին: Միջազգային հարաբերությունների չգրված օրենքներով այսպիսի հայտարարությունները պետք է արվեին կողմերի համաձայնությամբ, որը, անշուշտ, դիվանագիտական լուրջ աշխատանքի արդյունք կլիներ: Սակայն ելնելով ՀԱՊԿ-ի, Ռուսաստանի և ԵԱՀԿ Մինսկի խմբի արձագանքներից՝ կարող ենք պնդել, որ սա վարչապետի ինքնագործունեությունն է: Հավելենք, որ ըստ կառավարության տարածած հաղորդագրության՝ այս միտքը ՀՀ վարչապետը կրկնել է Ֆրանսիայի նախագահի հետ հեռախոսային խոսակցության ժամանակ՝ օգոստոսի 3-ին: Ինչին Ֆրանսիայի նախագահը պատասխանել է սփոփիչ թվիթով, որում տեղեկացրել է, թե իրենք հայերի հետ են և Հայաստան են ուղարկում կորոնավիրուսի դեմ պատվաստանյութի 200 000 չափաբաժին: Ափսոս, իսկ մենք կարծում էինք՝ ռազմական ինքնաթիռներ կգան: Նշենք նաև, որ Ն. Փաշինյանի արտաքին քաղաքական հայտարարություններն ուղեկցվում են ներքին աննախադեպ աղմուկով: Գործի են դրվել թե՛ լրատվամիջոցները, թե՛ արբանյակ քաղգործիչները: Ֆրանկոմանիան ուղեկցվում է հակառուսական քարոզչությամբ: Ամերիկացիներին ավելի զգույշ են վերաբերվում, սակայն վիճակը կարող է փոխվել Մակունցի դեսպանության օրոք: 

Կարծում ենք՝ Ն. Փաշինյանը, ինչպես միշտ, ականջալուր չի եղել ո՛չ պրոֆեսիոնալ դիվանագետների, ո՛չ միջազգայնագետների խորհուրդներին և որոշել է գավառական խորամանկություններով շահագրգռել Մինսկի խմբի համանախագահ երկրներին, մրցակցություն հրահրել նրանց միջև միայն մեկ նպատակով: Ընտրվելուց հետո նա այլևս չի կարողանալու չկատարել այն պարտավորությունները, որ ստանձնել է 2020-ի նոյեմբերի 9-ի և 2021-ի հունվարի 11-ի համաձայնագրերով: 

Մեր հասարակությունը մտածելու բան ունի, քանի որ իշխանության դիլետանտիզմը խիստ վտանգավոր է բոլորիս համար:

Գրիգոր Խաչիկյան



 Պիտակներ

         ՀԱՊԿ, Գրիգոր Խաչիկյան, Նիկոլ Փաշինյան, ԵԱՀԿ

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները

Գույժ
Գույժ
16.10.2021 / 8990




























Հերքում
Հերքում
12.10.2021 / 1399

Պողոսի երազը
Պողոսի երազը
12.10.2021 / 1318




















Բազմածնունդը
Բազմածնունդը
11.10.2021 / 619