04.07.2021   15:00
1241

Կեղծված ընտրությունների պատասխանատուն և մեղավորը իշխանությունն է


«Անսպասելի» ընտրության համար հասարակությանը մեղադրելուց առաջ նախ պարզենք, թե որքանով էր կազմակերպված միջոցառումը օրինակարգ: 

Հասարակությանը բարոյականության դասեր տալուց առաջ հիշենք, որ դրա նշաձողը պետք է սահմանի օրվա վերնախավը՝ իշխանությունը: 

Ի՞նչ կատարվեց Հայաստանում պատերազմից հետո: Իշխանությունը ոչ միայն չընդունեց սեփական մեղքը, ոչ միայն չուզեց հասկանալ, որ անընդունակ, անկարող է երկիր կառավարելու, այլև մեղավորներ փնտրեց ամենուրեք, վերակենդանացրեց նախկինների ուրվականը, լրատվական դաշտը, հեռուստաեթերը լցրեց անասելի ցածրակարգ աղմուկով, կառչեց պաշտոններից՝ առանց որևէ իրական գործ անելու: 

Պետությանը անվերականգնելի վնաս հասցրած մարդը՝ Նիկոլ Փաշինյանը, իշխանությունից չհեռացավ նախընտրական շրջանում, որովհետև նրան պետք էր վարչական ռեսուրսը: Այո՛, նա համոզված էր, որ առանց դրա չի կարողանալու հաղթել մրցակիցներին: Պաշտոնից չհեռացվեց նախկիններին ընտրակեղծիքների ծառայություններ մատուցած ԿԸՀ ղեկավարը, որովհետև նման վիրտուոզը պետք էր նաև ներկաներին: Բացի սրանից՝ իշխանությունն ուներ պետական բյուջե, այսինքն՝ փող, շատ փող, որով կարող էր կաշառել մանր ու մեծ չինովնիկների, հասարակության անապահով խավի ներկայացուցիչների: Ըստ տարածված լուրերի՝ անգամ զոհվածների հարազատներին էին համոզում փողով, փոխհատուցման մի մասը տալիս էին, մյուսն էլ խոստանում էին տալ ընտրվելու դեպքում: 

Կեղծիքների, վարչական ռեսուրսի օգտագործման մասին են վկայում հենց իրենք՝ ՔՊ-ականները: Այսպես.

1.    Իշխանական կուսակցությունը մեղադրում է Երևանի քաղաքապետին, որ նա ընտրությունների ժամանակ իրենց չի աջակցել:

2.    Պատժվում են համայնքապետեր, բուժհաստատությունների և դպրոցների տնօրեններ, որոնք նույնպես չեն աջակցել իշխանությանը: Գործը հասել է անգամ ֆիզիկական հաշվեհարդարի. Օձունի գյուղապետի մասին, կարծում ենք, բոլորը գիտեն:

3.    Արագածոտնի մարզպետի պահանջով հրաժարական են տվել եզդիական համայնքների ղեկավարները, որովհետև Նիկոլ Փաշինյանն այդտեղ չի հաղթել:

4.    Իշխանականները անթաքույց հայտարարում են, որ պետծառայողները պետք է ծառայեն ոչ թե պետությանը, այլ իրենց թիմին (Արայիկ Հարությունյան, Արմեն Գրիգորյան և այլք):

Այս հակաօրինական գործողությունները մի բան են ապացուցում: Իշխանությունը հատ-հատ գիտի, թե ով է ծառայել ՔՊ-ին և ինչպես: Այսինքն՝ վարչական ռեսուրսի օգտագործումն աննախադեպ է եղել: Աննախադեպ էին նաև ատելության խոսքի չափն ու որակը: Ընդ որում, սադրիչը վարչապետի ժ.պ.-ն էր: 

Ուստի արձանագրենք՝ մենք դարձյալ ունեցանք կեղծված ընտրություններ, դարձյալ ունեցանք երկրի ղեկավար, որ ամեն գնով կառչած է պաշտոնից:

Եթե Հայաստանի վիճակն այսքան ողբերգական չլիներ, գուցե նաև չարախնդալու առիթ ունենայինք՝ մտածելով, որ Ռ. Քոչարյանն ու Ս.Սարգսյանն իրենց մաշկի վրա են զգում կեղծված ընտրությունների ցավը: Գուցե նաև ասեինք, որ վատ օրինակը վարակիչ է, մի քիչ ծիծաղեինք, ու անցներ: Բայց Հայաստանը, ուրեմն մեզնից յուրաքանչյուրը անվտանգության լրջագույն խնդիրներ ունի, որոնք այս իշխանությունը լուծել չի կարող: Ընտրություններ կեղծող իշխանավորներն այսօր միայն մի բանի մասին են մտածում՝ իրենց անձնական անվտանգության…

Գրիգոր Խաչիկյան



 Պիտակներ

         արտահերթ ընտրություններ, Նիկոլ Փաշինյան, Գրիգոր Խաչիկյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
































37-ի երկրպագուն
37-ի երկրպագուն
07.01.2021 / 6476