Վարչապետի հատուկ հանձնարարություններով դեսպան Էդմոն Մարուքյանը գրել է. «Դավիթ Խաժակյանն այլևս չի կարող ներկայացնել Երևանի բնակիչների շահերը ավագանիում, քանի որ նա չի ընտրվել այս ընտրապայքարում։ Դավիթ Խաժակյանը կորցրել է ձեզ ծառայելու հնարավորությունը, իսկ դուք կորցրել եք Դավիթ Խաժակյանի պես ավագանու անդամի կողմից ներկայացված լինելու հնարավորությունը»:
«ՉԻ». Էէէ՜, ախպեր ջան, բայց ինչի՞ ես մենակ Դավիթ Խաժակյանի դարդը քաշում: Բա ինչի՞ չես ասում, որ կորցրել ենք Նատալյա Ռոտենբերգի պես ավագանու անդամ ունենալու հնարավորությունը: Կամ էն, անունն ինչ էր, Արման Ղուկասյանի, էլ չենք խոսում Մանե Թանդիլյանի մասին:
Դավիթ Խաժակյանը դեռ փառք է, նա ամեն շաբաթ ԱրմՔոմեդիի նիստերին է մասնակցում, այսպես ասած՝ չի կորչի:
Բայց, բոլոր դեպքերում, ափսոս, որ Դավիթ Խաժակյանի պես քաղաքական գիգանտն այլևս մեզ չի ծառայելու: Այսինքն՝ մեզ չէ, այլ իշխանություններին: