ՀՅԴ ԳՄ անդամ, «Հայաստան» խմբակցության պատգամավոր Իշխան Սաղաթելյանը ֆեյսբուքյան իր էջում գրել է. «Սեպտեմբերի 2-ին` Արցախի Հանրապետության անկախության օրը, միացի՛ր ի պաշտպանություն Արցախի կայանալիք հանրահավաքին, ցու'յց տուր, որ Արցախի կողքին ես, քո ձայնը միացրու հազարավոր մյուս հայրենակիցների ձայնին, ցո'ւյց տուր, որ Արցախը մենակ չէ, ցո'ւյց տուր, որ մենք տեր ենք մեր հայրենիքին և միասնական ենք»։
«ՉԻ». Այսինքն՝ մինչև սեպտեմբերի 2-ը Արցախը մենակ չի, որևէ խնդիր չունի:
Դեռ լավ է, որ տարին մեկ անգամ Արցախի Հանրապետության անկախության օր կա, այդ առթիվ հանրահավաք են անում: Բա մնացած օրե՞րը:
Գնալու են, իրենց վճռական ձայնը հնչեցնեն, հետո ցրվեն տներով, հաջորդ անգամ էլ երևի Նոր տարուն կհավաքվեն:
Ավելի լավ է ասեք, որ շոգ է, Սևանում տուրիստների հոսքը մեծ է, հյուրանոցներում լիքը գործ կա, կպրծնեք, նոր կգաք, հայրենափրկիչ սեզոնը կբացեք: