Չորեքշաբթի 30.09.2020 12:18

Սատիրիկոն/Լուր-մեկնաբանություն
30.09.2020 / 11:30
Սատիրիկոն/Լուր-մեկնաբանություն
29.09.2020 / 20:30
Սատիրիկոն/Լուր-մեկնաբանություն
29.09.2020 / 19:00
Սատիրիկոն/Լուր-մեկնաբանություն
29.09.2020 / 17:30
12.08.2020   16:30
525

Սպանդանոցները պարապուրդում են


Բակային մորթը շարունակվում է

Թեև սպանդանոցային մորթը հուլիսի 1-ից պարտադիր է, բայց սպանդանոցները դեռ գրեթե չեն աշխատում: Անասնատերերը շարունակում են հրաժարվել սպանդանոցների ծառայություններից:

Արարատի մարզի Հայանիստ համայնքի բնակիչ Վոլոդյա Մնացականյանը երինջներին վաճառել է, սակայն, սպանդանոցին չի հանձնել:

Անասնատերն ասում է՝ սպանդանոցները պարտադիր դարձնելը մեծ վնաս է քիչ քանակի անասուն ունեցողների համար. ստիպված պետք է լինեն իրենց մեկ-երկու գլուխ կենդանուն այնտեղ հասցնելու համար տեղափոխման ծախս անել և 5-ից 10 հազար դրամ վճարել սպանդանոցին ծառայության համար:

«Էլ էդ անասունից ինձ ի՞նչ կմնա, որ տանենք, իրենք թող գան, տանեն: Հիմա, որ տանեի Էջմիածնի սպանդանոց, պետք է ճանապարհածախսը ես տայի: Մասիսի սպադանոցում միայն ոչխար են մորթում, մոտիկը միայն Էջմիածինն է: Եթե սպանդանոցից էլ ես մարդ կանչում, որ գան, անասունին տանեն, էլի ճանապարհածախս են ուզում: Իմ կենդանին հիվանդ չի՝ առողջ է, անասնաբույժ ունենք, բոլոր պատվաստումները ժամանակին կատարվում են», - «ՉԻ» հետ զրույցում ասաց գյուղացին:

Պարտադիր սպանդանոցային մորթի մասին Կառավարության՝ դեռ 2016 թվականին ընդունված որոշման ժամկետները երեք անգամ հետաձգել են: Որոշումը պետք է ուժի մեջ մտներ այս տարվա հունվարի 15-ից: Ըստ դրա՝ գյուղացին չէր կարող իր բակում մորթել սեփական անասունն ու վաճառքի հանել: Այդուհանդերձ, անասնաբույծներն ու մսավաճառները բողոքեցին, թե չկա սպանդանոցների անհրաժեշտ քանակ, և որ իրենք էլ պատրաստ չեն անասունը սպանդանոց հասցնել:

Պարտադիր մորթը հետաձգվեց մինչև հուլիսի 1-ը՝ պայմանով, որ այս թեմային այլևս չեն անդրադառնալու:

«Ասֆալտի վրայից միս վաճառելը և էն հակահիգիենիկ պայմաններում միս վաճառելը պետք է բացառվի Հայաստանի Հանրապետությունում»,- հայտարարել է Նիկոլ Փաշինյանը:

Առաջվա պես են աշխատում

Մինչդեռ անասնատերերից շատերն այսօր առաջվա պես մսավաճառների ու միջնորդների հետ են աշխատում: Սպանդանոցներում դեռ դիմողների թիվն առանձնապես չի ավելացել:

Պարտադիր սպանդանոցային մորթին անցում կատարելուց հետո Արագածոտի մարզում կառուցված սպանդանոցի տնօրենն այլ կերպ էր պատկերացնում աշխատանքը, բայց հուսախաբ է եղել: Նրա խոսքով՝ խնդիրներ շատ կան, բայց թե ինչու չեն ամբողջ ծավալով գործում, չցանկացավ խոսել:

Խնդիրների մասին բարձրաձայնում է Արմավիրի մարզի Էջմիածին քաղաքում գտնվող «Մսամթերքի նոր աշխարհ» ՍՊԸ-ի տնօրեն Արսեն Հակոբյանը:

Նկատում է՝ օրենքն ուժի մեջ մտնելուց հետո մորթը չի ավելացել՝ գյուղացիները սպանդանոցի հետ չեն համագործակցում:

«Մենք էլ էինք այլ կերպ պատկերացնում, բայց այդպես չեղավ: Օրը 4-5 գլուխ մորթ ենք անում: Հանրապետությունում էլի նույն քանակությամբ միսը մորթվում է, ոնց առաջ է եղել, այդ նույն ձևով շարունակվում է՝ գյուղերում էլի բակերում են մորթ անում»,- ասաց Արսեն Հակոբյանը:

Ստուգումները լիարժեք չեն

Սպանդանոց կառուցելու համար մեծ ներդրումներ է արել: Սեփական անասնաֆերման և մորթի կետ կառուցելու համար 2 մլն դրամի ծախս է արել: Բանկից է վարկ վերցրել, բայց մտավախություն ունի, որ ներդրումները չեն արդարանալու:

Ժամանակի հարց է սպանդանոցային պարտադիր մորթին անցում կատարելը՝ անասնատերն ու սպանդանոցը դեռ միմյանց չեն վստահում, սպառողն էլ պետք է պահանջատեր լինի, որ գնած միսը բակում մորթված չլինի: Դեռ չունենք ցանկալի արդյունք, քանի որ իրացման ցանցերում ստուգումներն, ըստ գործարարի, մասսայական ու խստացված չեն: Նրա կարծիքով՝ խնդրի լուծումը պետք է սկսվի մսի վաճառքի կետերից:

«Մսավաճառներն իրենց գործը ոնց արել են, այնպես էլ շարունակում են անել: Գնում, էլի անասունն առնում են, և միսը հանձնում խանութներին: Այդ պահանջվող սպանդանոցային մորթը հավաստող անասնաբուժական ձև 5 փաստաթղթին շատ հետևող չկա, իրենք էլ ոնց ուզում, այնպես էլ աշխատում են: Շեշտը դրեցին սուպերմարկետների ու առևտրային խոշոր կետերի վրա, իսկ փոքր խանութները, որոնք շատ են և լավ էլ սպառում ունեն՝ մսի իրացումը ոնց ուզում, այնպես էլ կազմակերպում են»,- նշեց սպանդանոցի տնօրենը:

Գործ գրեթե չեն անում Գեղարքունիքի մարզի Վահան համայնքի սպանդանոցում: Շաբաթվա մեջ հազիվ մի 3-4 գլուխ անասուն մորթեն:

«Դեռ բակային մորթի տակ են, և միսն էլ ծախվում է առանց փաստաթղթի»,- նոր բիզնեսից դժգոհում է սպանդանոցի սեփականատեր Դավիթ Ղուլյանը:

Սպանդանոցը պատրաստ է ֆերմերներից մանր, խոշոր եղջերավոր կենդանիներ և խոզեր գնել, սակայն, դեռ բակային մորթը շարունակվում է:

Չի կարծում, թե կենդանուն իրենց չեն վաճառում ճանապարհածախսի պատճառով:

Նրա հաշվարկով՝ սպանդանոցային մորթի դեպքում գյուղացու ծախսը ընդամենը 3-4 տոկոսով է ավելանում, փոխարենը համոզված են լինում, որ անասունը լիարժեք ստուգված է, ու մորթը կատարվել է հիգիենիկ պայմաններում:

«Գյուղացին հիմա դրա համար շատ չնչին գումարներ է վճարելու: Էն ժամանակ կենդանու փորոտիքը, կաշին, գլուխը, ոտքերը մսավաճառներն էին տանում, իսկ ես դրանք սաղ թողնում եմ գյուղացուն: Էդ ամբողջը մինչև մի 25 000 դրամ գումար է կազմում: Առաջ էր գյուղացին տուժվում, սպանդանոցի դեպքում վնաս չի կրում»,- վստահեցրեց բիզնեսմենը:

Սպանդանոցներում պնդում են՝ երեք գլուխ կենդանուց ոչ պակաս թվաքանակի դեպքում մինչև 30 կիլոմետրը տեղափոխում են անվճար: Բայց փոքր թվաքանակի դեպքում իրենց էլ ձեռնտու չէ ճանապարհ կտրել, ծախս անել՝ բիզնեսն անշահավետ դարձնել:

Հարկային օրենքը՝ խոչընդոտ

Նոր ծաղկող գործի տերերը նկատում են, որ սպանդանոցային բիզնեսը ցանկալի պտուղները չի տալու հարկային օրենքի պատճառով: Կարծում են, որ օրենքը պետք է փոխվի, հակառակ դեպքում անառողջ մրցակցություն է լինելու:

«Բոլորը կամ վճարում են ավելացված արժեքի հարկ կամ չեն վճարում: Մեկը վճարում է, մյուսը՝ ոչ: Մեկն ասում է՝ իմը միկրոբիզնես է, ես չեմ վճարում, և միսը ծախում է 500 դրամ էժան, սուպերմարկետը վաճառում է 500 դրամ թանկ: Մսի համար ավելացված արժեքի հարկ կամ պետք է վճարեն բոլորը, կամ չվճարեն բոլորը՝ հենց այս օրենքը կարգավորվեց, սպանդանոցները կսկսեն ռեալ աշխատել»,- կարևորեց «Մսամթերքի նոր աշխարհ» սպանդանոցի տնօրենը:

Սպանդանոցի տերերի դժգոհության ապացույցը գտանք Արարատի մարզի համայնքներից մեկի խանութում: Տեղական տավարի միսն առանց ձև 5 փաստաթղթի էր վաճառվում:

Հավելենք, որ այսօր Հայաստանի ամբողջ տարածքում գործում է 59 սպանդանոց, որոնցից երկուսը՝ շարժական, կառուցման ավարտական փուլում են 15-ը, ներքին հարդարման ու սարքերի տեղադրման փուլում՝ 10-ը: Երկիր կներկրվի ևս 2 շարժական սպանդանոց: Հանրապետությունը 70-80 սպանդանոցի կարիք ունի:

Մանյա Պողոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         գյուղատնտեսություն, Մանյա Պողոսյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

















Մալադե´ց, աներ
Մալադե´ց, աներ
11.09.2020 / 1528





















Վազիր դատարան
Վազիր դատարան
23.09.2020 / 912