11.06.2021   12:30
930

Սրանք էլ ստախոսի մասին փաստերը


Այսօր ցույց կտանք, թե ինչու է Ռոբերտ Քոչարյանը վերջին օրերին կպած խոսում Ղարաբաղը բանակցություններից դուրս թողնելու մասին, ու անընդհատ հիշատակում է Լիպարիտյան-Գուլուզադե հանդիպումները, իբր, իրենք են Ղարաբաղը բանակցություններից դուրս թողել, քանի որ հանդիպել են առանց Արցախի ներկայացուցչի: Մասամբ Քոչարյանի այս մանիպուլյացիաների մասին խոսեց Լևոն Տեր-Պետրոսյանը՝ իր ասուլիսում:

Ընդհանրապես, Քոչարյանի այս բացատրությունը՝ կապված Լիպարիտյան-Գուլուզադե հանդիպումների հետ, ցույց է տալիս, թե այս մարդը թերարժեքության ինչպիսի բարդույթով է տառապում: Ինքն իրեն նվաստացած է համարել, որ մասնակից չէ ղարաբաղյան հակամարտության կարգավորման գործընթացի բոլոր հնարավոր և անհնար դրվագներին: Ո՞նց, բա ես Ղարաբաղի նախագահ լինեմ, ու չիմանա՞մ, թե Լիպարիտյանն այնտեղ ինչ է խոսում, Լևոնը գնում, աշխարհի մեծամեծերի հետ նստում, մեզանից է խոսում, բա ես էլ ինչացո՞ւ եմ: 

Նաև այս թերարժեքության բարդույթը հաղթահարելու համար է Քոչարյանն իր առջև նպատակ դրել զավթել իշխանությունը Հայաստանում, որ մենակ ինքը բանակցի, նստի, հելնի աշխարհի մեծամեծերի հետ: Հստակ դրել է այդ նպատակն ու իրագործել: Ու օրերս էլ խոստովանեց, որ Արցախի հարցն ընդամենը պատրվակ է եղել իշխանությունը զավթելու համար. կոնֆլիկտը լուծելու որևէ նպատակ չի եղել, եղել է այն անվերջ, կամ գոնե մի 30 տարով ձգձգելու նպատակ:

Դրա համար է իր գավառական շուստրիությամբ փորձում իր բազմաթիվ ղալաթներից հերթականը գցել, այս դեպքում՝ Լիպարիտյանի վրա: 

Ու նույն շուստրիությամբ չի ուզում ասել, որ մինչև Տեր-Պետրոսյանի հրաժարականը ԵԱՀԿ Մինսկի խմբի համանախագահները հարցի լուծման բոլոր առաջարկները  պարտադիր ներկայացնում էին հակամարտող կողմերին, այսինքն՝ Հայաստանին, Ադրբեջանին և Արցախին: Այսինքն՝ Արցախը բանակցությունների լիիրավ կողմ է: Եվ չի ուզում ասել, հենց եկավ իշխանության, Արցախը միանգամից բանակցային այս ձևաչափից դուրս թռավ: Իսկ դուրս թռավ, որովհետև Քոչարյանը Պուշկինի հեքիաթի հերոսուհու պես ասաց. էլ չեմ ուզում լինել գեղջուկ, չեմ ուզում լինել տեղական, գավառական իշխանիկ, ուզում եմ լինել թագուհի: Ես եմ բանակը, ես եմ պետությունը, ես եմ ազգը: Ես, մենակ ես պիտի լինեմ: Ու գիտե՞ք՝ ով է հաստատում, որ Ռոբերտ Քոչարյանն է Արցախը դուրս շպրտել բանակցային գործընթացից. հենց ինքը՝ Ռոբերտ Քոչարյանը: 

Ահա փաստերը: Մեջբերում ենք Քոչարյանի խոսքը. «Երևան-Բաքու ուղիղ բանակցություններն ունեն երեք հիմնական առավելություն: Առաջին և կարևորը. Հայաստանը շատ ավելի մեծ արդյունավետությամբ կարող է պաշտպանել հայկական կողմի շահերը: Երկրորդ` ես` որպես բանակցությունների ակտիվ կողմ, շատ ավելի մեծ հնարավորություն եմ ստանում հանդիպումների ժամանակ ներկայացնել ԼՂ հարցը, որպես սուբյեկտ, ով ուղղակի անմիջական պատասխանատվություն ու բեռ է կրում բանակցությունների համար: Երրորդ` Հայաստանի նախագահի ներգրավվածությունը շատ ավելի բարձր մակարդակի վրա է բարձրացնում Հայաստանի պատասխանատվությունը ԼՂՀ-ի նկատմամբ, քանի որ մենք ամբողջ Հայաստանի ներուժը` և´ դիվանագիտական, և՛ տնտեսական, և՛ պաշտպանական, ծառայեցնում ենք այս հարցի կարգավորմանը»:

Հասկացա՞ք: Մարդը դրել, ապացուցում էր, որ ճիշտը Երևան-Բաքու ուղիղ բանակցություններն են: Որ ինքը բանակցություններում հա՛մ Հայաստանն է, հա՛մ Արցախը:

Շարունակենք. 1999 թ. օգոստոսի 21-ին Ժնևում Հեյդար Ալիևի հետ հանդիպման ժամանակ Ռոբերտ Քոչարյանը հայտարարել է. «Ես որոշակիորեն այստեղ ներկայացնում էի նաև ղարաբաղյան կողմի շահերը՝ որպես նախկինում ԼՂ ղեկավար՝ իմանալով նրա անհանգստությունները»: («Հայաստանի Հանրապետություն», 163, 1999): Այսինքն՝ Քոչարյանը իր վրա է վերցնում նաև Ղարաբաղի ներկայացուցչի դերը: 

Այնտեղից վերադառնալով՝ Քոչարյանը բանակցություններից Ղարաբաղի դուրս մնալու մասին ասել է հետևյալը. «Վերսկսված բանակցություններն անշուշտ պետք է տեղի ունենան ԼՂՀ լիարժեք մասնակցությամբ: ...Սակայն բանակցային գործընթացում գալիս է մի ժամանակահատված, երբ բանակցող կողմերը սկսում են գործել միջնորդների համար: Յուրաքանչյուրն ուզում է ապացուցել իր ճշմարտացի լինելը՝ ընդգծելով հակառակ կողմի սխալականությունը»:

Մեկ ուրիշ բացատրություն, թե ինչու է Ղարաբաղը դուրս թողել բանակցություններից. «Փաստորեն, հարցը հայտնվել էր փակուղու մեջ, և պարզ է, որ Մինսկի խումբը պետք է գար նոր առաջարկով, որը կլիներ քիչ ավելի շեղված դեպի Ադրբեջանի ցանկությունները: Ես ենթադրում եմ, որ մենք նոր առաջարկին կասեինք՝ ոչ, Ադրբեջանը կասեր՝ այո: Եվ ցիկլն անընդհատ կկրկնվեր, քանի որ նախկինում մենք երկու անգամ այդպիսի կրկնություն ուղղակի ունեցել ենք: Եվ այստեղ ծնվեց երկու նախագահների հանդիպումների մասին գաղափարը» («Հայաստանի Հանրապետություն», 2000, 25):

Եվս մեկը. «Ինձ թվում է, որ գոյություն ունի բանակցություններին ԼՂՀ մասնակցության ոչ կոռեկտ ընկալում: Բանակցային գործընթացը Հայաստանի և Ադրբեջանի նախագահների հանդիպումներից շատ ավելի լայն է: Դա նաև իմ հանդիպումներն են Արկադի Ղուկասյանի հետ, որոնց ընթացքում մենք համաձայնեցնում ենք բանակցային դիրքորոշումները: Դա Մինսկի խմբի համանախագահների պարբերաբար այցելություններն են տարածաշրջան և նրանց հանդիպումները ԼՂՀ ղեկավարության հետ: Ի դեպ, սա բանակցությունների առավել բովանդակալից մասն է: Դա ԵԱՀԿ գործող նախագահի օգնականի կանոնավոր այցելություններն են ԼՂՀ: ԼՂՀ-ն բանակցային ողջ գործընթացի ակտիվ մասնակիցն է: Հայաստանի և Ադրբեջանի նախագահների հանդիպմանը ես ներկայացնում եմ նաև Արցախի շահերը»: («Հայաստանի Հանրապետություն», 2005, 36):

Բայց Ռոբերտ Քոչարյանի էժանագին ստախոսության ամենավառ փաստը սա է, մեջբերում ենք. «Հայաստանը երբեք նման որոշում չի ընդունել (նկատի ունի բանակցություններից Լեռնային Ղարաբաղի դուրս մնալը), այդպիսի բան չի եղել: Դա եղել է մինչև պարոն Ֆասիեի՝ համանախագահ դառնալը, բայց այդպիսի որոշում չի եղել: Դա այլ կերպ ստացվեց. եթե հիշում եք, կար փակուղի, և սկսվեց իմ ու նախագահ Հեյդար Ալիևի միջև բանակցային գործընթաց, որ գրեթե ավարտվում էր փաստաթղթի ստորագրմամբ Քի Վեսթում: Այդ գործընթացը փաստացի բերեց դրան» («Հայաստանի Հանրապետություն», 2008, 10):

Ահա այսպես. մարդն ասում է, Հայաստանը երբեք Ղարաբաղին բանակցություններից դուրս թողնելու որոշում չի կայացրել, հետո ասում է՝ ես եմ դուրս թողել, հայ-հայ Քի-Վեսթում բան էինք ստորագրում: Իսկ հիմա իր այս գավառամտության համար ուրիշներին է մեղադրում: Սրան ի՞նչ անուն տաս: 

Հ.Գ. Էս էլ ու պրծ: Քոչարյանի արտգործնախարար Վարդան Օսկանյանը բանակցություններին ԼՂՀ չմասնակցելը բացատրել էր նրանով, որ Հայաստանը՝ որպես ճանաչված պետություն, առավելություն ուներ չճանաչված Ղարաբաղի համեմատ: «Կար ժամանակ, երբ Հայաստանի դիրքորոշումը հետևյալն էր. Հայաստանի համար ընդունելի կլիներ այն, ինչ կպայմանավորվեին ԼՂ-ն և Ադրբեջանը: Սակայն այդ օրերին մենք ստանում էինք այնպիսի առաջարկներ, որ բացարձակապես անընդունելի էին հայկական կողմի համար: Այն օրվանից, երբ Հայաստանն առավել ակտիվ է ներգրավված բանակցություններում, սեղանի վրա հայտնվում են այնպիսի առաջարկներ, որոնց սկզբունքները կարելի է քննարկել: Այստեղից ակնհայտ է, որ այլ պետություններ այլ կերպ են մոտենում ճանաչված պետությանը, քան չճանաչվածին: Համենայն դեպս, ընդհանուր պայմանավորվածություն կա համանախագահների հետ, և դա նույնիսկ Ադրբեջանն է ընդունում, սկզբունքների ճշտումից հետո ԼՂ-ն որպես կողմ իր մասնակցությունն է ունենալու համաձայնության մանրամասների շուրջ ընթանալիք քննարկումներին» («Հայաստանի Հանրապետություն», 2006, 33):



 Պիտակներ

         Ռոբերտ Քոչարյան, Վաֆա Գուլուզադե, Հեյդար Ալիև, Ժիրայր Լիպարիտյան, Վարդան Օսկանյան, Լևոն Տեր-Պետրոսյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
































37-ի երկրպագուն
37-ի երկրպագուն
07.01.2021 / 6479