«Ռուսաստանի հայերն ասել են, որ Նիկոլին փոխելու դեպքում իրենք մեծ ներդրումներ կարող են անել ՀՀ-ում»,- Արարատ քաղաքում հայտարարել է Վազգեն Մանուկյանը:
«ՉԻ». Գերմանիայի հայերն էլ ասել են, որ ընդդիմության թեկնածուի լռելու դեպքում իրենք մեծ ներդրումներ կանեն, իսկ ամերիկահայերը դեմ են Ռոբերտ Քոչարյանին և պնդում են, որ անգամ մեկ ցենտի ներդրում չեն անի, քանի դեռ նա չի վերադարձել բանտ:
Վազգեն Մանուկյանին թվում է, թե եթե ինքը մառազմի մեջ է, ուրեմն նույն վիճակում է նաև ժողովուրդը:
17-ի, թե 15-ի թեկնածուն մոռանում է, որ Նիկոլ Փաշինյանն ընդամենը 2.5 տարի է, ինչ վարչապետ է: Հետաքրքիր է, եթե Ռուսաստանի հայերը Հայաստանում ներդրումները կապում են Փաշինյանի հետ, ապա ինչո՞ւ դա չէին անում մինչև նրա իշխանության հասնելը: Թե՞ Սերժ Սարգսյանն էլ էր խանգարում հայ-ռուսական հարաբերություններին: Միակ ներդրումը, որ արեցին՝ Կարեն Կարապետյանին Հայաստան ուղարկելն էր:
Ամենայն հավանականությամբ Ռուսաստանի հայեր ասելով՝ Մանուկյանը նկատի ունի Քոչարյանին: Վերջինս երևի խոստացել է, որ Փաշինյանի տապալման դեպքում Ռուսաստանի իր ակտիվների մի մասը հետ կբերի Հայաստան: Ասենք «Սիստեմայի» բալանսից կհանի և Մանուկյանի ազիզ խաթր կներդնի Հայաստանում: