Քաղաքագետ Ստեփան Դանիելյանը ֆեյսբուքյան էջում գրել է. «Այս իշխանությունն իրոք օրինական է, որովհետև ոչ ոք կասկածի տակ չի դրել ընտրությունների օրինական լինելը, սակայն «լեգիտիմ» լինելը բոլորովին այլ բան է նշանակում, ու այստեղ հարցեր կան։
Օրինակ, ոչ օրինական իշխանությունը կարող է որոշ ժամանակ անց իրեն այնպես դրսևորել, որ ժողովրդի մեծամասնությունը սկսի կառավարությանը հավանություն տալ, այսինքն այդ իշխանությունն ունենա բարձր լեգիտիմության աստիճան, և հակառակը, օրինական իշխանությունը կարող է իրեն այնպես վատ դրսևորել, որ որոշ ժամանակ անց հանրության մեծամասնությունը հիասթափվի ու այլևս չվստահի, այսինքն այդ իշխանության լեգիտիմության աստիճանը դառնա շատ ցածր»:
«ՉԻ». Անունով էլ քաղաքագետ է: Ահա այսպես, տարիներ շարունակ մեր քաղաքագիտական ոլորտը լցված է եղել անգրագետ, կոմֆորմիստ, ցանկություններն իրականության տեղ դնող դիլետանտներով:
Այսինքն, եթե իշխանությունները ձևավորված են ժողովրդի ազատ կամարտահայտության արդյունքում, դա դեռ չի նշանակում, որ կարող են լեգիտիմ լինել:
Այ, ուրիշ բան, որ տանկերով իշխանություն զավթեն, անզեն ժողովրդի վրա կրակեն, մարդկանց սպանդ կազմակերպեն, հարյուրավոր մարդկանց բանտը լցնեն, ընտրությունների արդյունքները կեղծեն.... հետո՞ ինչ, մարդ ես, կարող է այդ իշխանությունները սկսեն լավ-լավ բաներ անել, խելոք աշխատեն, ժողովուրդն ասի՝ արա, հա, էլի, փաստորեն, կարգին լեգիտիմ իշխանություն է, ուրեմն, իզուր չէր մարդկանց սպանում ու ընտրությունները կեղծում: Դե ոչինչ, անցած լինի:
Հատուկ իրեն քաղաքագետ համարող այս անձնավորության համար բացատրենք «լեգիտիմ» բառի կամ տերմինի իմաստը: Լատիներենից թարգմանաբար նշանակում է օրինական, իսկ միջազգային հարաբերություններում այս տերմինը նշանակում է «ժողովրդի և իշխանության համաձայնություն»: Իսկ այդ համաձայնությունը կայանում է բացառապես ընտրությունների, ոչ թե տանկերի միջոցով:
Բայց հետաքրքիր է՝ սրանց որտե՞ղ են բուծել, ո՞վ է սրանց դիպլոմ տվել: