«Իշխանությունը Սերժ Սարգսյանի և Ռոբերտ Քոչարյանի հետ համախմբված է՝ կիսատ թողած գործերը շարունակում են»,- Faktor.am-ի հետ զրույցում հայտարարել է Էդմոն Մարուքյանը:
«ՉԻ». Փաստորեն Մարուքյանն օգտվում է այն հանգամանքից, որ իշխանությունները լուրջ չեն ընդունում իրեն և դատի չեն տալիս նման վիրավորանքների ու զրպարտության համար: Կամ էլ պարապ չեն:
Իսկ այ ինքը և յուր կուսակիցները դատի են տալիս, երբ քաղաքական գործիչները և լրատվամիջոցները վերահաստատում են տարիներ շարունակ շրջանառվող լուրերը, որ Մարուքյանը փեսա Միշիկի պրոյեկտն է:
Մինչ այս պահը, Մարուքյանը չի կարող նշել գեթ մեկ կարևոր հարց, որ ինքը դեմ է գնացել Սերժ Սարգսյանին:
Հանկարծ մտքով չանցնի որպես փաստ նշել 2018 թվականի ապրիլի ԱԺ ելույթը: Չար, շատ չար լեզուները պնդում են, որ այդ ելույթը գրվել է նույն Սարգսյանի աշխատակազմում:
Փաստորեն, գոնե մեկ տարի Քոչարյանին կալանավորելը, Սերժ Սարգսյանին կոռուպցիայի մեջ մեղադրելը, ամբողջ ընտանիքին խայտառակ անելը Սերժի հետ համագործակցություն է, իսկ իր հետագծի վերաբերյալ կասկածներ արտահայտելը՝ դատական հայցի առիթ:
Ահա այսպիսի շատ հետաքրքիր տրամաբանություն ունի Չպրոյեկտ Մարուքյանը: