Համացանցում տարածվել է տեսանյութ, որտեղ ՀՀ վարչապետ Նիկոլ Փաշինյանը ԱԺ նախագահ Ալեն Սիմոնյանի հետ զբոսնել է Հյուսիսային պողոտայում:
Այս առթիվ «Հայկական ժամանակը» գրել է. «Նկատենք, որ օրերս մամուլում տարատեսակ հրապարակումներ էին հայտնվել այն մասին, թե Ալեն Սիմոնյանի և Նիկոլ Փաշինյանի հարաբերությունները լարված են, ինչը ավելի ուշ լրագրողների հետ զրույցում հերքել էր Սիմոնյանը»:
«ՉԻ». Սրանից հետո ով ուզում է հերքել Նիկոլ Փաշինյանի հետ լարված հարաբերությունների մասին լուրերը, պարզապես նրա հետ պետք է մի երկու «կռուգ» տա Հյուսիսային պողոտայում:
Եթե մի «կռուգ» են զբոսնում, նշանակում է, հարաբերությունները մասամբ են կարգավորվել:
Իսկ եթե զբոսանքը տեղի է ունենում «ՏԷՑ-ի կռուգում», ուրեմն այդ հարաբերությունները թևակոխում են հակամարտության փուլ:
Դե, իսկ եթե Նիկոլ Փաշինյանը մենակ զբոսնի Հյուսիսային Պողոտայում, ուրեմն նրա հետ բոլորը խռովել են: