4rd.am на русском
28.03.2020 / 23:00
Ձեռագրերը չեն այրվում
28.03.2020 / 22:00
Լուր-մեկնաբանություն
28.03.2020 / 21:45
Ձեռագրերը չեն այրվում
28.03.2020 / 21:30
Երազահան
28.03.2020 / 21:15
Ձեռագրերը չեն այրվում
28.03.2020 / 21:00
06.10.2019   11:00
1630

Զրո համերաշխություն «Իմ քայլում»


Անդրանիկ Քոչարյանի շուրջ ստեղծված աղմուկը, վեր հանեց շատ ավելի խորքային խնդիրներ: Խոսքը մի գիշերվա մեջ մոլի «մոռալիստներե դարձածների մասին չէ: Իհարկե, հայհոյախոսությունը տհաճ երևույթ է, սակայն դա հատուկ չէ միայն հայաստանցիներին: Ֆեյսբուքի օտարալեզու այլ սեգմենտներում, քաղաքական հարցերը քննարկելիս, կարմիր գիծն ավելի հաճախ և ավելի թունդ բառապաշարով են անցնում:

Խոսքը իշխող ուժի ներսում տիրող մթնոլորտի, փոխադարձ վստահության և իրար սատարելու կտրուկ բացակայության մասին է: Քաջատեղյակները վաղուց էին նկատել «հիվանդի» ախտանշանները, սակայն վերջին երկու օրվա զարգացումները բացեցին նաև կասկածամիտների աչքերը: Իրականում չկա 88 հոգանոց խմբակցություն, Հայաստանի Ազգային ժողովների պատմության մեջ ամենամեծ խմբակցություն: Կա, բայց միայն թղթի վրա: 

Նախկին ռեժիմը և նրա սատելիտները իրենց ամբողջ ներուժով՝ տասնյակ մեդիաներով և հարյուրավոր ֆեյսբուքյան աշխատողներով հարձակվեցին Փաշինյանական թիմի ամենակարկառուն դեմքերից մեկի վրա: Չխորշեցին Քոչարյանի քողարկված հայհոյանքին պատասխանել ուղիղ և ավելի թունդ հայհոյանքներով: Սակայն «Իմ քայլում» տիրեց կատարյալ լռություն: Իսկ ոմանք էլ ավելի առաջ գնացին և սկսեցին ուղղակի քննադատել իրենց խմբակցության գործընկերոջը: Հատկանշական է, որ գործընկերոջը դատափետելու գործն առաջինը ստանձնեց Փաշինյանական թիմի մեկ այլ կարկառուն գործիչ՝ ԱԺ փոխնախագահ Լենա Նազարյանը: 

Եթե Անդրանիկ Քոչարյանին, մեղմ ասած, «քննադատելու» նախկին ռեժիմի դրդապատճառներն ակնառու են՝ Մարտի 1-ի փաստահավաք խմբի ղեկավարում, ներկայումս ապրիլյան պատերազմի քննիչ հանձնաժողովի նախագահում, ապա այլ են իշխանական պատգամավորների լռության և մեղմ քննադատության շարժառիթները:

Խմբակցությունում Քոչարյանից բացի չկան այլ գործիչներ, որոնք ունեն նախորդ ռեժիմի դեմ տասնամյակների պայքարի կենսագրություն: Նրանց քաղաքական կենսագրությունը լավագույն դեպքում սկսվում է 2017 թվականի խորհրդարանական ընտրություններին մասնակցելուց կամ Գյումրիից Երևան քայլելու կես ճանապարհին Փաշինյանին միանալուց: Մեկ այլ հատված ընդհանրապես ծաղրել է 2018 թվականի ապրիլ-մայիսյան գործընթացները, սակայն ինչ-որ հրաշքով հայտնվել է իշխող խմբակցության անցողիկ տեղերում: Կա ևս մեկ հատված, որ դժգոհ է հեղափոխության արդյունքներից: Իշխանություն դառնալու ակնկալիքները և արտոնություններն այնպիսին չեն, ինչպիսին կուզենային: Այս խմբակին կարելի է տալ պայմանական Սասուն Միքայելյան անվանումը: 

Կա նաև մի ստվար խումբ, որը պարզապես կարելի է անվանել վախկոտների խումբ: Նրանք աշխատում են որևէ կերպ չմասնակցել ներքաղաքական դիսկուրսին, ապրել հանգիստ, շառից-փորձանքից հեռու այս ցուրտ ու խաբուսիկ աշխարհում:

Եվ ահա, այս չուզող և անկարող խումբը ստանձնել է Հայաստանի լրջագույն բարեփոխումների ղեկը: Խումբ, որ չի կարողանում կամ ցանկանում պաշտպանել գործընկերոջը, դժվար թե կարողանա էապես փոխել Հայաստանը: 

Այսօր տեղի կունենա նաև Թովմասյանի պաշտոնանկության վերաբերյալ ՍԴ միջնորդություն ուղարկելու քվեարկությունը և լրիվ կանխատեսելի կլինի, եթե ականատեսը դառնանք տհաճ անակնկալների: Չէ՞ որ քվեարկությունը լինելու է փակ և չի բացահայտվի, թե ով է դեմ Թովմասյանին տուն ուղարկելու Փաշինյանի ծրագրին: 

Ընդհանրացնելով կարելի է ասել, որ ԱԺ այս կազմը թերևս պակաս անկանխատեսելի չէ Փաշինյանի համար, քան նախորդ տարի նույն ժամանակահատվածում: Անցյալ տարի Փաշինյանը գնաց ռադիկալ քայլի՝ ԱԺ-ն տարավ լուծարման: Ինչպես կվարվի հիմա՝ ցույց կտան ապագա զարգացումները:

Արիս Վաղարշակյան

«Չորրորդ իշխանություն», թիվ 3, 4-ը հոկտեմբերի



 Պիտակներ

         Անդրանիկ Քոչարյան, «Չորրորդ իշխանություն», Արիս Վաղարշակյան, «Իմ Քայլը»


Մեկնաբանել

Մուտք գործեք կայք

լուսանկար չկա
Գովազդ
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



















Ապրի Հրայրի արևը












Գող՝ սիրտը դող
Գող՝ սիրտը դող
08.03.2020 / 2565



Ստոպ-կադր
Ստոպ-կադր
09.03.2020 / 2515








Մեր Վանգան
Մեր Վանգան
05.03.2020 / 2340

Վախեցածը
Վախեցածը
08.03.2020 / 2334







Вите надо выйти
Вите надо выйти
01.03.2020 / 2265