25.03.2021   21:30
500

Հաղթելու է ապատիան


Որքան էլ առաջին հայացքից տարօրինակ հնչի՝ առաջիկա արտահերթ խորհրդարանական ընտրություններին գործող իշխանության համար խնդիր է լինելու ոչ թե ընդդիմությունը, այլ 2018 թվականի էլեկտորատը, իսկ ավելի կոնկրետ՝ մարդկանց այն խումբը, որը դարձավ հեղափոխության շարժիչ ուժը:

Նրանք ամենից առարկայական և բովանդակային քննադատությունն են հնչեցնելու իշխանությունների հասցեին: Ամենևին պատահական չէ, որ օրեր առաջ, իշխանության մի խումբ ներկայացուցիչներ հայտարարում էին, թե ընտրություններին գնալու են գործող Ընտրական օրենսգրքով, սակայն տեսնելով քննադատությունը, փոխեցին որոշումը և խոստացան վերացնել ռեյտինգային համակարգը: Մինչդեռ, արմատական ընդդիմությունը չի քննադատում վարկանիշային համակարգը:

Իհարկե, եթե ընտրությունները տեղի ունենան: Ինչու՝ եթե: Շատ պարզ պատճառով, Փաշինյանի դեպքում երբեք չի կարելի որևէ բան վստահ պնդել: Ժողովրդական խոսքով ասած՝ նրա պարանին լվացք փռել չի կարելի: Ինչպես Սու-երի և «Իսկանդերի» դեպքում, այնպես էլ հիմա չի բացառվում, որ պարզվի՝ իրեն սխալ են զեկուցել և ընտրությունների գնալու համար քաղաքական, օրենսդրական, տնտեսական կամ մեկ այլ անհրաժեշտ նախապայման չկա:

Ինչպես արդեն վերևում նշեցինք, իշխանության գլխավոր մրցակիցը լինելու է ոչ թե 17-ի շարժումը կամ ինչպես ընդունված է ասել՝ արմատական ընդդիմությունը, այլ հանրության այն հատվածը, որը երեք տարի առաջ հեղափոխություն արեց, բայց այսօր իշխանության հետ արմատական հակասություններ ունի: Այդ հակասությունները առաջացել են մի կողմից՝ քաղաքական բարեփոխումներ չանցկացնելու, մյուս կողմից՝ ձախողված արտաքին քաղաքականություն իրականացնելու պատճառով: Եթե հանրության այդ հատվածը չտեսնի այլընտրանքային կարող ուժ, ապա վերջնականապես կընկնի ապատիայի մեջ և կբոյկոտի ընտրությունները:

Որքան էլ իշխանությունը և ընդդիմությունը փորձեն իջեցնել ընտրություններում քաղաքական խոսքի բովանդակության չափաբաժինը, կա հանրության մի ստվար շերտ, որը հասկանում և կարևորում է հենց այդ բաղադրիչը: Կարևորում է, թե ով ինչ է ասում, ինչ է խոստանում, ինչպես է պատրաստվում խոստումը կատարել և ինչպիսի գործունեություն է ծավալել նախկինում տված խոստումները իրականացնելու համար: Շատերն են հոգնել, որ Փաշինյանը սկսում է պատմել իր երազներից կամ Քոչարյանը ու Սարգսյանը համոզում են, որ Էրդողանն ու Ալիևը կվախենային իրենց հայացքներից և պատերազմ չէին սկսի:

Արմատական ընդդիմությունը վիճարկելու է ձայների 25-30 տոկոսը, որը մեծ հաշվով նախկինում էլ էր իրենցը: 2018 թվականին ԲՀԿ-ն, ՀՀԿ-ն և ՀՅԴ-ն միասին 17 տոկոսից ավել ձայն են հավաքել: Հիմա ընդդիմադիր ընտրազանգվածը մի փոքր աճել է, բայց չի անցնում 30 տոկոսի սահմանագիծը: Այդ տոկոսների բաշխման մեջ մեծ դերակատարում է ունենալու ՀՀԿ-ի մասնակցության գործոնը: Եթե Սերժ Սարգսյանը որոշի մասնակցել ընտրություններին, ապա դա առաջին հերթին մեծ հարված կլինի Քոչարյանին, որովհետև երկուսն էլ պայքարելու են նույն դաշտում՝ փորձելով ներգրավել նույն մարդկանց: ՀՀԿ-ի մասնակցության և ԲՀԿ-ի ակտիվ քարոզարշավի դեպքում անգամ խնդիրներ են առաջանալու Քոչարյանի 5 տոկոսի շեմը հաղթահարելու առումով:

Եթե ոչինչ չփոխվի, ասպարեզում չհայտնվեն իսկապես կարող քաղաքական ուժեր և գործիչներ, ապա առաջիկա ընտրություններում հաղթանակ է տանելու ապատիան: Ընտրություններին մասնակցելու են ամենաքիչ թվով ընտրողներ, քանի որ հանրությունը մի կողմից՝ տեսնում է ռևանշի ձգտող ուժերի, մյուս կողմից՝ խոստումները չիրականացրած, իշխանությունը օգտագործելու անկարող, անընդհատ տատանվող և որոշումները փոխող ուժի, որը մի անգամ քննությունից կտրված ուսանողի նման փորձում է վերահանձնել այն՝ պարապած չլինելով, սակայն հույսը դնելով նորին մեծություն հաջողության վրա:

Արիս Վաղարշակյան

«Չորրորդ իշխանություն», թիվ 12, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Արիս Վաղարշակյան, արտահերթ ընտրություններ, «Չորրորդ իշխանություն»


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված




Տիկին, լա՞վ եք
Տիկին, լա՞վ եք
22.04.2021 / 1397































Ցինիկ և տխմար
Ցինիկ և տխմար
13.04.2021 / 584





Ստոպ-կադր
Ստոպ-կադր
11.04.2021 / 556







Совет да любовь