19.03.2021   17:00
290

Եվրոպան պետք է հստակ արտահայտվի


Արտահերթ խորհրդարանական ընտրությունների անցկացումը բավարար պայման չէ շտկելու այն վիճակը, որն ստեղծվել է Հայաստանում: Հայաստանը լրջորեն հիվանդ է, և ընտրությունները կարող են ցավազրկող հաբի դեր ստանձնել, սակայն երբեք չեն կարող բուժել հիվանդությունը: Այսինքն՝ կարող ենք ունենալ շատ կարճաժամկետ արդյունք, միաժամանակ կորցնելով պահը և էլ ավելի խորացնելով հիվանդությունը:

Բացի արտաքին քաղաքական չափազանց վտանգավոր իրավիճակը, ունենք նաև իրար հետ թշնամացած, իրար չվստահող հասարակություն: Անգամ շատ ընտանիքներում է նման պատկերը: Կան ընտանիքներ, որտեղ ամուսինները, ծնողները և նրանց չափահաս երեխաներն են իրար հետ շատ սուր վիճաբանում քաղաքական հայացքների պատճառով:

Փաստացի, հնարավոր արտահերթ խորհրդարանական ընտրությունների արդյունքները չեն գոհացնելու հասարակության մի ստվար հատվածին, հնարավոր է ուղիղ կեսին: Ժողովրդավարության պայմաններում դժգոհ 49 տոկոսը պետք է համակերպվի հաղթող 51 տոկոսի կամարտահայտությանը: Բայց Հայաստանում իրավիճակը այլ է, քանզի չկա փոխադարձ վստահություն: Չկա փոխադարձ վստահություն, որ թե՛ իշխանությունը և թե՛ ընդդիմությունը չեն գնա մեծ ու փոքր ընտրակեղծիքների:

Իշխանության դեպքում կա երկու կասկած: Մեկը գալիս է 2018 թվականից, մյուսը առաջացավ 3 շաբաթ առաջ: 2018 թվականին, իշխանությունը չկարողացավ ստանալ նախկին խորհրդարանի անհրաժեշտ մեկ ձայնը, որպեսզի փոփոխի Ընտրական օրենսգիրքը: Դա այն նույն իշխանությունն էր, որ կարողացավ ստիպել նույն խորհրդարանին, ըստ էության գնալ ինքնալուծարման: Այդ ժամանակ էլ կասկածներ առաջացան իշխանության իրական դրդապատճառների վերաբերյալ, բայց 3 տարի օրենսգիրքը չփոփոխելը վկայում է, որ 2018 թվականին տեղի ունեցածն ամենևին էլ պատահականություն չէր: Այն ժամանակ իշխանությունները բացատրում էին, որ խորհրդարանի նախկին կազմը չքվեարկեց տխրահռչակ վարկանիշային համակարգը վերացնելու օգտին, որպեսզի իրեն հավատարիմ օլիգարխները և թաղային հեղինակությունները ձայներ բերեն: Բայց չգիտես ինչու, այդ օդիոզ օլիգարխները մաս չկազմեցին հանրապետականի ցուցակին, չմասնակցեցին ընտրություններին: Եվ հակառակ դրան, ինչպես պնդում են չար լեզուները, աշխատեցին ձայներ բերել «Իմ Քայլի» անհայտ տղաների ու աղջիկների համար:

Երկրորդ կասկածը առաջացավ մարտի 1-ի հանրահավաքի ժամանակ: Ավտոբուսներով բերված ժողովուրդը չի կարող կասկածներ չառաջացնել վարչական ռեսուրսի օգտագործման վերաբերյալ: Աջակցության ցուցադրման տեսարանը իշխանության համար ավելի կարևոր թվաց, քան հավատարմությունը այն խոստմանը, թե այս իշխանությունը որևէ պարագայում չի գնա ընտրակեղծիքների: Հիմա ձու գողանալուց հետո, շատ դժվար է համոզել, որ մեծ անհրաժեշտության դեպքում չեն գնա ձի գողանալու ճանապարհով: Սա կա՛մ իշխանության հերթական սխալ հաշվարկն էր, կա՛մ էլ իրական մտադրությունների պարտադրված բացահայտում:

Ընդդիմության դեպքում ընտրակեղծիքների մասին խոսելն ավելորդ է՝ հաշվի առնելով Քոչարյանի և Սարգսյանի փառապանծ հետագիծը այդ առումով:

Ստեղծված իրավիճակում իր լրջագույն մասնակցությունը պետք է բերի Եվրոպան՝ իր հստակ դիրքորոշումներով և մեծաթիվ ու ներկայացուցչական դիտորդական խմբերով: Հայաստանյան քաղաքական ուժերին պետք է հստակ մեսիջ ուղարկվի, որ թույլ չեն տա վարչական ռեսուրսի կիրառում, ընտրակաշառք և նմանատիպ այլ դրսևորումներ: Պետք է հստակ բացատրեն, որ այդ միջոցներից օգտվելու ճանապարհով իշխանության գալու դեպքում, արժանանալու են միանշանակ կոշտ արձագանքի և, ըստ էության, չեն ճանաչվելու միջազգային հանրության կողմից: Գոնե մի անգամ իսկապես օգնեն հայ ժողովրդին նորմալ և կասկածներ չառաջացնող ընտրություններ կազմակերպել:

Արիս Վաղարշակյան

«Չորրորդ իշխանություն», թիվ 11, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         «Չորրորդ իշխանություն», Արիս Վաղարշակյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված




Տիկին, լա՞վ եք
Տիկին, լա՞վ եք
22.04.2021 / 1422































Ցինիկ և տխմար
Ցինիկ և տխմար
13.04.2021 / 584





Ստոպ-կադր
Ստոպ-կադր
11.04.2021 / 556







Совет да любовь