27.02.2021   11:00
371

Քաղաքական դաշտի սիամական երկվորյակները


Հայաստանում քաղաքական պայքարը միշտ է ընթացել կոշտ հռետորաբանության ուղեկցությամբ: Քաղաքական հակառակորդները երբեք էլ չեն խնայել միմյանց: Բայց այն, ինչ կատարվում է այս օրերին, դասականի խոսքերով ասած, իսկապես աննախադեպ է: Երկու բևեռները միմյանց մեղադրում են ոչ թե շարքային հանցագործությունների, կոռուպցիայի, օրենքները չհարգելու կամ անգամ քաղաքական հակառակորդներին ֆիզիկապես վերացնելու մեջ, այլ դավաճանության մեջ:

Ընդդիմությունը իշխանությանը մեղադրում է Արցախը հանձնելու համար և այդ համատեքստում նաև սխալ սպառազինություններ գնելու, իսկ եղածը չօգտագործելու համար: Իշխանությունն իր հերթին, ընդդիմությանը մեղադրում է Արցախը վաղուց վաճառելու և անորակ սպառազինություններ գնելու համար: Սերժ Սարգսյանը Նիկոլ Փաշինյանին մեղադրում է Սու-30 կործանիչներ գնելու համար, իսկ Փաշինյանը Սարգսյանին՝ «Իսկանդեր» գնելու համար: Եթե այսքան տխուր ու ողբերգական չլիներ, կարելի էր միանշանակ փաստել, որ երկուսն էլ գնալով նմանվում են հայտնի սկետչի հերոսներին, որոնք միմյանց անվանում էին անբարոյական, փչացած և այդպես շարունակ:

Բայց երկուսն էլ ի վերջո պետք է հասկանան, որ հանրությունը կամաց-կամաց հակված է ասելու՝ հանգստացեք, երկուսդ էլ ճիշտ եք: Ժողովուրդը և պետությունը դաժան պարտություն են կրել և ցանկանում են հասկանալ, թե բացի Արցախի հարցի կարգավորման վերաբերյալ երկուստեք արկածախնդիր քաղաքականություն իրականացնելուց, ինչպիսի հանցագործություններ են կատարվել բանակաշինության ոլորտում: Հանրությունը ցանկանում է տեսնել կոնկրետ քրեական գործեր և ապացուցողական փաստարկներով հագեցած բացահայտումներ:

Նիկոլ Փաշինյանը բարձրաձայնում է, որ «Իսկանդերը» կրակել է իր հզորության 10 տոկոսով, բայց ասելով Ա-ն, չի ասում Բ-ն: Հարցազրույց տալու և օդից կախված լուրեր տիրաժավորելու փոխարեն, վերջապես պետք է քննություն իրականացվեր և պարզվեր, թե Հայաստանի ամենահզոր զենքը, որ ստրատեգիական զսպման բաղադրիչ էր, ինչու է կրակել իր հզորության 10 տոկոսի չափով: Ի վերջո, Սերժ Սարգսյանը վատ և անպիտան զե՞նք է գնել, թե՞ այդ գործում կան այլ մութ կետեր, որոնց վերաբերյալ Փաշինյանը նախընտրում է չծավալվել:

Նույն պնդումը կարելի է անել ընդդիմության վերաբերյալ: Գործող ընդդիմությունը չի կարող հղում տալ, թե չունի իշխանություն, ուստի այդ պատճառով չի կարողանում ունենալ կոնկրետ և փաստարկված բացահայտումներ: 2008 թվականին ՀԱԿ-ը չուներ իշխանություն, բայց Փաստահավաք խմբի աշխատանքի շնորհիվ ամբողջովին բացահայտվեց, թե ինչ հանցագործություններ են իրականացրել օրվա իշխանությունները 2008 մարտի 1-ին, դրանից օրեր առաջ և հետո: Սա լավագույն օրինակն է, որ ցանկության դեպքում կարելի է բովանդակային աշխատանք կատարել: Դավաճան բղավելու փոխարեն, մի փոքր աշխատանք կատարեք և փաստերով ապացուցեք ձեր համոզման իրավացիությունը:

Մի ժամանակ ընդունված էր Քոչարյան-Սարգսյան զույգին անվանել սիամական երկվորյակներ: Հիմա արդիական է իշխանություն-ընդդիմություն զույգին նման կերպ պիտակավորելը: Նույն մեղադրանքները, նույն բնույթի հակադարձումները, պաշտպանվելու և հարձակվելու նույն ձեռագիրը: 2018 թվականին Ջին Շարպը բոբո էր գործող իշխանության համար, հիմա դարձել է կուռք: 2018 թվականին պետական շենքերի դռները ժողովրդինն էին, հիմա դարձան անձեռնմխելի և հատուկ ակնարկվում է, թե որ դեպքերում կարելի է կրակել ժողովրդի վրա:

Հասարակությունը հոգնել է մոնղոլ-թաթարական ծագմամբ ազգակործան պատուհասներից և նրանց բեմադրած ռեալիթի շոուներից:

Արիս Վաղարշակյան

«Չորրորդ իշխանություն», թիվ 8, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Արիս Վաղարշակյան, «Չորրորդ իշխանություն», Սերժ Սարգսյան, Նիկոլ Փաշինյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված





























Ցինիկ և տխմար
Ցինիկ և տխմար
13.04.2021 / 577


Ստոպ-կադր
Ստոպ-կադր
11.04.2021 / 550















Հերքում
Հերքում
12.04.2021 / 480