«Սփյուռքի 20-ից ավելի կառույցներ պահանջում են Նիկոլ Փաշինյանի հրաժարականը»:
Այս գլխագրով նորությունը տարածում են նախկինների բոլոր մեդիաները:
«ՉԻ». Պարզվում է, որ մարդիկ խնդիր ունեն նաև տարրական թվաբանության հետ: Հայտարարության տակ ստորագրել է 15 կազմակերպություն, բայց ոմանք հաշվել են՝ 20: Երևի մտածել են, որ այդպես ավելի հնչեղ է:
Երկրորդ մանիպուլյացիան այն է, թե սփյուռքի կազմակերպություններն են միացել, մինչդեռ ցանկին ծանոթանալիս հստակ է՝ բոլոր 15-ն էլ անխտիր դաշնակցական կառույցներ են:
Հայտնի է, որ այդ կուսակցությունը սփյուռքում մի քանի տասնյակ դուստր կառույցներ ունի: Հիմա ինչ՝ վաղն էլ ավետելու են, որ քսանին միացան ևս քսա՞նը:
Ինչպես Հայաստանում են արհեստական թիվ հնչեցնում 17 կուսակցության մասով, նույն էֆֆեկտը փորձում են ստանալ նաև սփյուռքի մասով:
Նույն հաջողությամբ կարելի է առանձին լուր գրել Կիմ Բալայանի յուրաքանչյուր որդու վերաբերյալ: Օրինակ՝ Կիմ Բալայանի 5 որդիները պահանջում են Փաշինյանի հրաժարականը:
Իսկ այն, որ Դաշնակցությունը դեմ է այս իշխանությանը, որևէ սենսացիա չկա: Իրենք վաղուց են դեմ: Իրենք միայն Քոչարյանին են կողմ: