19.10.2019   09:30
4575

37 թի՞վ, չէ, չենք լսել


ՍԴ նախագահ Հրայր Թովմասյանի ընտանիքի անդամներին հրավիրել են ԱԱԾ: Հրավիրել են: Ոչ թե ձերբակալել են, ոչ թե՝ խոշտանգել, քրգործ հարուցել, այլ՝ հրավիրել: Հասկանալի է, որ սա այն ճանապարհը չէ, որով իշխանությունները պետք է լուծեին Հրայր Թովմասյանի ու նրա խմբակի ապօրինությունների հարցը, բայց, որ սա համարում են 37 թիվ, արդեն 37 թվին բնորոշ տերմիններ են օգտագործում՝ ռեպրեսիա, գուլագ, ստուկաչ և այլն, սա արդեն ցինիզմ է: Որովհետև ասողների մի մասը տարիներ շարունակ զբաղվել է ռեպրեսիաներով, խոշտանգումներով, մեծ ու փոքր չի ճանաչել, այնպիսի մեթոդներով են հաշվեհարդարներ տեսել ընդդիմադիրների ու նրանց ազգականների հետ, որ Հրայր Թովմասյանի դեպքը պարզապես «կապրիզ» է, թեկուզև` տհաճ:

Ասողների մի մասն էլ այն տարիներին ընդդիմության դեմ հալածանքների մասին ծպտուն չեն հանել, ու հանկարծ էսօր դարձել են արդարության առաջամարտիկներ: Այսօր, օրինակ, իրավապաշտպան Ժաննա Ալեքսանյանը դատապարտել էր Հրայր Թովմասյանի հորն ու դուստրերին ԱԱԾ հրավիրելու փաստը: Բան չես կարող ասել, իրավունք ունի, Ժաննան այդպիսին է եղել նաև 2000-ականներին, միշտ բարձրաձայնել է մարդու իրավունքների ոլորտում տեղ գտած խախտումները, իրավական օգնություն է ցուցաբերել բռնությունների ենթարկված ընդդիմադիրներին: Այն մարդիկ, ովքեր թե՛ Քոչարյանի, թե՛ Սերժ Սարգսյանի օրոք են պայքարել ընդդեմ մարդու իրավունքների խախտման, հիմա էլ ինչ ասեն, իրենց իրավունքն է:

Բայց որ, օրինակ, Լարիսա Ալավերդյանն է խոսում 37 թվից: 2004թ. ապրիլյան դեպքերի ժամանակ Լարիսա Ալավերդյանը օմբուդսմեն էր, ոչ տեսել ենք, ոչ՝ լսել ենք, թե ինչով է զբաղվել: Իշխանության ոճրագործությունները նրա աչքի առաջ են եղել, զրո արձագանք: Մի երկու հատ նվնվացել էր, զուտ «գալոչկայի» համար ու վերջ: Հիմա քոչարյանական արյունոտ փողերով սնվող լրատվամիջոցների և լրագրողների բանակը այն ժամանակ գոյություն չունեին, հիմա 37 թիվ են ասում, վերլուծաբաններ են հայտնվել, նոր իրավապաշտպաններ, որոնք ընդհանրապես բարոյական ոչ մի իրավունք չունեն մարդու իրավունքներից խոսել: 

Երեկ նշել էինք, որ հատ-հատ ներկայացնելու ենք քոչարյանական ռեժիմի տարիների հալածանքների և տեռորի փաստերը, հրապարակումները, տանես, 37 թվից խոսացողների դեմը դնես, հարցնես. հիմա սա էլ է 37 թիվ, Հրայր Թովմասյանի դեպքն է՞լ: Եթե Հրայր Թովմասյանինը 37 թիվ է, ուրեմն՝ քոչարյանական ավազակապետության տարիների դեպքերը առնվազն մ.թ.ա 37 թիվ է, որովհետև լրիվ նախնադարյան վիճակներ էին:

Աստիճանաբար սկսում ենք պատառիկներ ներկայացնել. երեկ հիշեցրինք Վանո Սիրադեղյանի 75-ամյա եղբոր կալանավորման և դատապարտման պատմությունը:

Հիմա ուղղակի մեր նախկին հրապարակումներից մեջբերումներ կանենք. մասնավորապես՝ 2008թ. մարտի 1-ի իրադարձությունների շուրջ:

«ՉԻ», Ապրիլի 12, 2008.թ

ԿԱՆՉՎԵԼ ԵՆ ՈՍՏԻԿԱՆՈՒԹՅՈՒՆ

Երեկ առավոտյան Նոյեմբերյան քաղաքի մի խումբ բնակիչներ, թվով  6 հոգի, ովքեր մասնակցել են ընդդիմության երևանյան հանրահավաքներին, կանչվել են Տավուշի մարզային ոստիկանություն և դատախազություն: Այս մասին տեղեկացրել են կանչվածներն իրենք` Զոհրապ Մամյանը, Անդրանիկ Անանյանը և ուրիշներ: Ինչպես հայտնել է Վանո Սիրադեղյանի քրոջ որդին` Սուրեն Մամյանը, իր և ևս երկու հոգու անձնագրերը Ազգային անվտանգության ծառայության Նոյեմբերյանի բաժանմունքի աշխատակիցները վերցրել են:

Այդ պատճառով Սուրեն Մամյանը չի կարողանում տեսության գնալ Նուբարաշենի թիվ 1 գաղութում գտնվող իր հորը` Յուրա Մամյանին: Վերջինս ապօրինի զինամթերք պահելու մեղադրանքով դատապարտվել է երկու տարվա ազատազրկման: Այս դատավճիռը բողոքարկվել է Յուրա Մամյանի դատապաշտպան Սեդա Սաֆարյանի կողմից:

ԵՎՍ ԵՐԿՈՒ ՔԱՂԲԱՆՏԱՐԿՅԱԼ

Գեղարքունիքի մարզի ընդհանուր իրավասության դատարանի դատավոր Արթուր Թամրազյանն այսօր հրապարակեց ՀՀ նախագահական ընտրությունների ժամանակ Լևոն Տեր-Պետրոսյանի` թիվ 22/18 ընտրատարածքի վստահված անձ Սիմոն Ամիրխանյանի, թիվ 22/21 ընտրատարածքի վստահված անձ Սամվել Կարապետյանի և նույն ընտրատարածքի հանձնաժողովի նախագահ, ԲՀԿ-ական Հռիփսիմե Հայցյանի դատավճիռները:

Նրանք բոլորը մեղադրվում են ընտրությունների արդյունքների կեղծման մեջ` հօգուտ նախագահի թեկնածու Լևոն Տեր-Պետրոսյանի: Ըստ մեղադրանքի` կեղծիքների դրդած Սիմոն Ամիրխանյանին և Սամվել Կարապետյանին դատավորը դատապարտեց 3-ական տարվա ազատազրկման` դատարանի դահլիճից կալանավորելու պայմանով, իսկ կեղծիքներ կատարած Հռիփսիմե Հայցյանին 4 տարի ազատազրկման, որը, սակայն, չի կիրառվի. նրա առողջական վիճակը հաշվի առնելով` դատարանը սահմանեց փորձաշրջան մեկ տարի ժամկետով, որի ընթացքում նա իրավունք չի ունենա փոխել իր մշտական բնակության վայրը:

Սամվել Կարապետյանը դատավճռի ընթերցումից հետո հայտարարել է, որ «եթե այստեղ լինեին Գևորգ Չաուշն ու մնացած մեր հերոսները, ապա նույն դատավորը նույն ձևով էլի կվարվեր նրանց հետ»: Իսկ այնուհետև՝ մեջբերումներ է արել 37թ. Չարենցի ու Բակունցի սպանություններից՝ ընդգծելով, որ ՀՀ-ում ոչ մի բան ժամանակի ընթացքում չի փոխվել, ամեն ինչ նույնն է մնացել՝ նույն մատնիչներն են ու սրիկաները:

Սամվել Կարապետյանը ասաց, որ հայտարարում է անժամկետ հացադուլ:

ՇԻՐԱԿԻ ՄԱՐԶԻՑ ԱՆԱԶԱՏՈՒԹՅԱՆ ՄԵՋ ԵՆ ԳՏՆՎՈՒՄ 4 ԱԶԱՏԱՄԱՐՏԻԿ

Երեկ Գյումրիում կայացած ասուլիսում հրապարակվեց Շիրակի մարզի 62 ազատամարտիկների հայտարարությունը, որով նրանք Հայաստանի իշխանություններից պահանջում են ազատ արձակել քաղաքական հայացքների համար կալանավորված իրենց մարտական ընկերներին:

Ասուլիսի բանախոսները հայտարարել են, որ Շիրակի մարզից անազատության մեջ է գտնվում 4 ազատամարտիկ` Մուշեղ Սաղաթելյանը, Հարություն Ուռուտյանը, Աշոտ Զաքարյանը և Գևորգ Զաքարյանը: «Բոլոր օրինական ճանապարհներով պայքարելու ենք Հայաստանում իրենց քաղաքական հայացքների համար բանտարկված ազատամարտիկների ազատության համար: Վստահ ենք, որ հազարավոր ազատամարտիկներ կիսում են մեր մտահոգությունը և աներեր պայքարելու են արդարության հաղթանակի համար, - գրում են հայտարարության հեղինակները` միաժամանակ զգուշացնելով. - Ազատամարտիկների քաղաքական հալածանքների շարունակությունը մեր և հանրության հորդորների նկատմամբ արհամարհանքը առավել են սրում երկրում ստեղծված իրադրությունը: Քաղաքական հայացքների համար ազատամարտիկների նկատմամբ տարվող աննահանջ հալածանքի հետևանքների ամբողջ պատասխանատվությունն ընկնում է Հայաստանի իշխանությունների վրա»:

ԴԱՀԼԻՃ ՉԵՆ ՏՐԱՄԱԴՐՈՒՄ

ՍԴՀԿ «Սարգիս Տխրունի» ուսանողական-երիտասարդական միությունը «Անի Պլազա» հյուրանոցում երեկ անցկացնելու էր կոնֆերանս` նվիրված հայ-թուրքական հարաբերություններին: Սակայն վերջին պահին նրանց զանգահարել են և տեղեկացրել, որ դահլիճ տրամադրել չեն կարող: «Մեծ եղավ մեր զարմանքն ու վրդովմունքը, որ հերթական անգամ, վերջին րոպեներին մեզ զանգահարեցին և մերժեցին դահլիճ տրամադրել, այս անգամ էլ «Անի Պլազա» հյուրանոցն էր»,- ասված է «Սարգիս Տխրունի» միության հաղորդագրության մեջ: Մարտի 28-ին միությանը մերժել էր «Կոնգրես» հյուրանոցը:

«Ա1+»-ը «Անի Պլազա» հյուրանոցից փորձել է ճշտել վերջին պահին դահլիճ չտրամադրելու պատճառը: Հյուրանոցի մարկետինգի բաժնի աշխատակիցը ասել է, որ չեն կարող ասել, թե ինչու, սակայն առավոտյան իրենցից պահանջել են, որ հանեն բոլոր միջոցառումները: Իսկ թե ո՞վ է պահանջել, վերջինս հրաժարվել է ասել:

ԴԱԴԱՐԵՑՐԵԼ ԵՆ ՀԱՑԱԴՈՒԼԸ

Նախօրեին ՀՀ առաջին նախագահ Լևոն Տեր-Պետրոսյանը կոչ էր արել իր զինակիցներին` դադարեցնել հացադուլը: Երեկ հացադուլ հայտարարած 26 քաղաքացիներից 24-ը դադարեցրել են հացադուլը, իսկ «Քաղբանտարկյալների կոմիտեն» տարածել է հայտարարություն, ուր նշված է. «Անսալով ՀՀ առաջին նախագահ Լևոն Տեր-Պետրոսյանի`քաղբանտարկյալներին ուղղված կոչին, մենք` Երևանի Կենտրոն, Նուբարաշեն և Վարդաշեն քրեակատարողական հիմնարկություններում գտնվող քաղբանտարկյալներս, դադարեցնում ենք մեր կողմից հայտարարված անժամկետ հացադուլը և մեր զորակցությունն ենք հայտնում Լևոն Տեր-Պետրոսյանին և Համազգային Շարժման գաղափարները հաղթանակին հասցնելու իր հաստատակամությանը:

Հայրենակիցներ, օգտվելով առիթից, մեր հիացմունքն ենք արտահայտում հայ ժողովրդի արժանավոր զավակ` Արցախյան ազատամարտի անկոտրում մարտիկ Արշավիր Բոզինյանին: Թուրքերի արձակած գնդակը վնասել է միայն Արշավիրի մարմինը, բայց ոչ նրա տղամարդու ոգին: Արշավիրը, Հրազդան-Վանատուրի ազգաբնակչությունը, նրանց ազատատենչ ոգին մեր նորագույն պատմության քաղաքական պայքարի սիմվոլների են վերածվում:



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Հրայր Թովմասյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Տիկին, լա՞վ եք
Տիկին, լա՞վ եք
22.04.2021 / 1517































Ցինիկ և տխմար
Ցինիկ և տխմար
13.04.2021 / 586






Ստոպ-կադր
Ստոպ-կադր
11.04.2021 / 557







Совет да любовь