Հրայր Թովմասյան. Կենդանակերպի նշանը՝ КOVIK-2035
Այս համաստեղության տակ ծնվածների համար շաբաթը հագեցած կլինի անհարմար իրադարձություններով:
Երկուշաբթի օրը Սահմանադրական դատարանում կհռչակեք փակ դռների օր, միայն թե Վահե Գրիգորյանը շենք չմտնի:
Երեքշաբթի օրը ծավալուն հարցազրույց կտաք «65+» լրատվամիջոցին. երեկոյան ՍԴ-ի վճռով հարցազրույցը հակասահմանադրական կճանաչվի և կչեղարկվի:
Չորեքշաբթի օրը հանդիպում Քոչարյանի փաստաբանական խմբի հետ. օրվա վերջում՝ հազ, ջերմություն, ընդհանուր թուլություն, կապույտ լորձ:
Հինգշաբթի Ազգային Ժողովը ձեզ կառաջարկի ցմահ կարանտինի գնալ. կմերժեք՝ պարզաբանելով, որ ՍԴ-ն այսպես թե այնպես վաղուց է մեկուսացված ժողովրդից:
Ուրբաթ օրը մամուլի ասուլիս՝ «Վայելի» ակումբում, որից հետո կհայտարարեք, որ ասուլիսում խոսողը դուք չեք, այլ՝ ձեր վարորդը:
Շաբաթ օրը և կիրակին կանցկացնեք ՍԴ-ի մեկուսարանում: Վարժվեք արտակարգ պայմաններին: