Նիկոլ Փաշինյան. Կենդանակերպի նշանը՝ Սոցցանցավոր
Այս շաբաթը կսկսվի և կավարտվի վճռական իրադարձություններով:
Երկուշաբթի օրը կնախաձեռնեք ԱԺ նախագահ Ալեն Սիմոնյանին անվստահություն հայտնելու գործընթացը, քանի որ վերջինիս քավորը Քոչարյանի քիփն է:
Երեքշաբթի օրը Հայկ Մարությանին կմեղադրեք ՔՊ-ից թռնելու մեջ. Հայկոն էլ կասի, որ դեղին վարչապետին չի պատասխանում:
Չորեքշաբթի օրը Ալեն Սիմոնյանի լրատվամիջոցը կհիշեցնի, որ դուք էլ ժամանակին թռել եք ՀԱԿ-ից. կպարզաբանեք, որ իրականում ՀԱԿ-ն է թռել ձեզանից:
Հինգշաբթի օրը կհայտարարեք, որ Գագիկ Ծառուկյանի հետ Երևանում բուրժուա-դեմոկրատական հեղափոխություն եք իրականացնելու:
Ուրբաթ օրը ձեզ կզեկուցեն, որ Զելենսկին սքեթչի դերասան էր, հետո դարձավ Ուկրաինայի նախագահ. երեկոյան Քննչական կոմիտեն կհայտարարի Հայկ Մարությանի դեմ ցմահ քրեական գործ հարուցելու մասին:
Շաբաթ-կիրակի օրերն անցկացրեք Նոր Երևանում՝ Նոր Լայքերով և Նոր Կադաստրային Քարտեզներով: