Սատիրիկոն/Լուր-մեկնաբանություն
25.09.2020 / 19:00
Սատիրիկոն/Լուր-մեկնաբանություն
25.09.2020 / 18:00
Սատիրիկոն/Լուր-մեկնաբանություն
25.09.2020 / 17:00
Խմբագրի ընտրանին
25.09.2020 / 16:20
Սատիրիկոն/Լուր-մեկնաբանություն
25.09.2020 / 13:30
29.08.2020   17:00
355

Բում՝ չրի արտադրությունում


Ավելի շատ չիր են անում, քան արտահանում

Չրագործները քիթ սրբելու ժամանակ չունեն՝ գործը եռում է: Արևի ոսկեշող ճառագայթների տակ, կամ էլ նոր տեխնոլոգիայով հայկական արևահամ մրգերն են չորացնում: Դեղձի, սալորի, թզի դատարկված սկուտեղները շուտով կլցվեն տանձով, խնձորով և մյուս պտուղներով: Հատ-հատ չորացված մրգերը կսպասեն գնորդին:

Այսպես գործն ակտիվ է հանրապետության գրեթե բոլոր ծայրերում: Ամեն օր մեկը մյուսի հետևից բացվող չորանոցները խոստումնալից բիզնեսի քայլեր են անում:

Չրագործության ոլորտում բումը շարունակվում է:

«Չորացված մթերք արտադրողների ասոցիացիա» ՀԿ-ի տնօրեն Սանդրո Աբովյանը «ՉԻ»-ի հետ զրույցում պատմեց, որ թավշյա հեղափոխությունից հետո է կտրուկ ավելացել չորացված մթերք արտադրողների թիվը:

Չորանոց հիմնելու համար այլևս կարիք չկա ծանոթ-բարեկամ խառնել, պետությունն էլ սուբսիդավորված վարկեր է տրամադրում: Մի կողմից էլ՝ արտադրությունը մեծ ներդրումներ չի պահանջում:

«Հենց առաջին հնարավորության դեպքում բոլորը վարկ են վերցնում և միանգամից չորանոցներ են կառուցում: Կառավարությունն ասում է՝ եթե մեկից մի ապրանք ես վերցնում, որ վերամշակես, տոկոսներն ինձ վրա եմ վերցնում: Անտոկոս վարկ է տալիս: Միայն պետք է նպատակային օգտագործել՝ պետք է խաղող, դեղձ, ծիրան գնես: Այսպիսի բան երբևէ չի եղել: Դրա համար գումար վերցնելու խնդիր չկա: Սա այն արտադրությունը չէ, որ շատ փող պահանջի, սա պահածոյի, գինու արտադրություն չէ: Չրագործներն էլ ավելի են շատացել, որովհետև հեշտ է աշխատանքը կազմակերպել: Այսօր ուր գնաք՝ չորանոց կտեսնեք»,- նշեց նա:

Թեև Սանդրո Աբովյանը ստույգ չի հաշվարկել հանրապետությունում գործող չորանոցների քանակը, բայց հավաստիացնում է՝ այս տարի էլ կրկին մեծ թվով չորանոցներ են բացվել: Զանգերից է այդպիսի տպավորություն ստացել: Գործ սկսողները խորհրդատվության համար «Չորացված մթերք արտադրողների ասոցիացիա» ՀԿ-ի տնօրենին են զանգում: Դիմողները խոշոր արտադրողներն են, իսկ ավելի փոքրերը, կամ նույնիսկ տնային պայմաններում չիր արտադրողները ինքնուրույն են գործից գլուխ հանում:

Հիմա դեղձ են չորացնում: Խոշոր արտադրողներն արդեն մոտ 200 տոննա բերք են հավաքել: Դեղձի չիրն արտահանման մեծ շանսեր ունի, քանի որ ոչ բոլորն են չորացնում, աշխատատար է. նախ, պետք է պտղամիսն առանձնացնել, հետո՝ խոշոր կորիզը:

«Ամբողջ դեղձի քանակի կեսից ավելին չրագործներն են տանում: Արմավիրի մարզի Խանջյանի տարածաշրջանում ուր մտնում ես՝ չրագործները պայմանավորվել են: Նայում ենք՝ մեկ ֆուռ է կանգնած, հինգ՝ չրագործ: Ինչքան արտահանման են տանում, այնքան էլ չորացնում են»,- մատնանշեց նա:

Չիր արտադրողները, սակայն, ռիսկի դիմելով են գործը սկսել: Դեղձն այս տարի թանկ է, կիլոգրամը 300 դրամով են գնում: Սկզբում թանկ հումքի պատճառով կամուկացի մեջ են եղել, բայց հետո կասկածները մի կողմ են թողել և աշխատել:

Հենց թանկ հումքի պատճառով հայկական չիրը դրսի շուկայում տուժում է:

Մեր չորացված միրգը գնային առումով մրցունակ չէ:

«Որակապես լավ ենք: Մեզ մոտ հումքը թանկ է, և չիրն էլ շատ թանկ է վաճառվելու: Մենք ինչ ենք արտադրում: Եթե գինը որակին համարժեք լինի, կարող են իրացնել: Շատ փոքր քանակություն ենք արտադրում: Ամենամեծ չորանոցը, որ սարքել են՝ Արմավիրի մարզում է: Թունելային չորանոց են դրել: Ինձ թվում է՝ թունելային չորանոցը հեռանկար չի ունենալու, որովհետև շատ հզոր է, և Հայաստանում եղած ամբողջ մրգի քանակությունը կարող է 2-3 օրում չորացնել: Հարցնում եմ՝ ի՞նչի եք կառուցել, պատասխանում են, որ դրսից են հումք բերելու»,- փոխանցեց նա:

Կարող ենք արտադրանքի ծավալը կրկնապատկել, եթե լուծվի տեղական շուկայում իրացման հարցը: Մեզ մոտ շուկան տարերային է:

«Օրինակ՝ Թուրքիայում ասոցիացիաներ կան, որոնք մեծ թվով չիր են ընդունում՝ պահեստավորում են, վերամշակում և նոր իրացնում: Մեզ մոտ այդպիսի բաներ չկան՝ ով ոնց կարողացավ, վաճառում է: Ինչքան կարողանում են վաճառել, էդքան էլ արտադրում են, շատերն այդպես են անում: Ով ինչպես կարողանում է, վաճառում է»,- նկատեց Սանդրո Աբովյանը:

Անհրաժեշտ քայլեր

Գործը կարող է ծաղկել նաև լավ ապրանք ունենալու դեպքում: Պետք է զարգացնել գյուղացիական տնտեսությունները՝ մասնավորապես չրի համար առավել բարենպաստ սորտերի մշակման ուղղությամբ:

«Հիմա մենք ինչ գյուղատնտեսություն ունենք: Հումքային բազա ընդհանրապես չկա: Մեզ պետք է շատ ապրանք: Եթե դեղձն առատ լիներ, այդպիսի գին չէր ունենա: Պետք է ինտենսիվ այգիներ ունենանք: Դա ժամանակի խնդիր է: Սև սալորը սրանից 10 տարի առաջ 500 դրամ արժեր, բոլորն այդ ծառից տնկեցին, հետո՝ լճացավ: Պետք են բերքատու, լավ սորտեր: Անհրաժեշտ է զարգացնել ինտենսիվ գյուղատնտեսությունը, որ բերքատվության ցուցանիշը բարձր լինի: Հիմա այս պրոցեսը գնում է, բայց երկար ժամանակ է պահանջվելու»,- նշեց նա:

Իսկ բացվող չորանոցները սոցիալական լարվածությունն են թուլացնում: Ընտանիքով սկսում են չորացված միրգ ու բանջարեղեն արտադրել, հետո էլ աշխատողների կարիք են ունենում և օրական 4000 դրամով այլ աշխատողներ են ներգրավում իրենց բիզնեսում:

Մանյա Պողոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Սանդրո Աբովյան, Մանյա Պողոսյան, առևտուր, գյուղատնտեսություն


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















Մալադե´ց, աներ
Մալադե´ց, աներ
11.09.2020 / 1523