Երեքշաբթի 19.10.2021 12:00

11.08.2021   19:00
460

Будьте помедленнее, мы записываем...


Տամ-տարա-ռաա՜, տամ-տարա ռաա՜-ռաա՜... էս համարեք, որ «Սանտա-Բարբարա» սերիալի էն երաժշտական «զաստավկան» էր, դա պետք է լսել ու հետո հանգիստ տեղավորվել էկրանների առջև: 

ԱԺ «Պատիվ ունեմ» խմբակցության պատգամավոր Աննա Մկրտչյանը խորհրդարանում իր ելույթի ժամանակ ասաց. «Այս ամենաթողության իրավիճակը շարունակվելու է, որովհետև դրա հեղինակը Հայաստանն ու Արցախը ավիրած, կապիտուլյանտ Նիկոլն ա»: Այս խոսքերի համար ԱԺ նախագահ Ալեն Սիմոնյանը Աննա Մկրտչյանին զրկեց մինչև օրվա ավարտը դահլիճում նիստերին ներկա լինելու իրավունքից:

Դրանից հետ ԱԺ ՔՊ խմբակցության պատգամավոր Արփի Դավոյանն իր ելույթում ասաց. «Մերժված Սերժ Սարգսյանին խորհուրդ կտամ իր լարովի տիկնիկներին այստեղ չուղարկել, որովհետև Սերժ Սարգսյանը մերժվել է 2018 թվականին և այդ մերժված լինելու բեռն ամբողջ կյանքում տանելու է իր ուսերին»: Այս խոսքերի համար ԱԺ նախագահ Ալեն Սիմոնյանը Արփի Դավոյանին նախազգուշացում հայտարարեց և զրկեց մեկ նիստի ընթացքում խոսելու իրավունքից:

Մենք այսօր սահմանափակվելու էինք միայն այս երկու օրինակով: Բայց մինչև այս երկուսը գրեցինք, խորհրդարանում մի հատ ուրիշ դեպք էլ պատահեց. Իշխան Սաղաթելյանի ելույթից հետո ՔՊ-ական Նարեկ Գրիգորյանը ինչ-որ ռեպլիկ թողեց, որից հետո պատգամավորները սկսեցին հարաբերություններ պարզել, քաշքշել իրար: ԱԺ նախագահ Ալեն Սիմոնյանն այս դեպքում անվտանգության աշխատակիցներ հրավիրեց:

Ուրեմն, ընտրություններից դեռ մոտ մի ամիս առաջ գրել էինք, որ նոր խորհրդարանում պարբերաբար այսպիսի տեսարանների ականատես ենք լինելու: Ամեն օր իրար կապիտուլյանտ ու մերժված են ասելու, թալանչի ու կաշառակեր, գող ու ավազակ, դավաճան ու հողատու, մարդասպան ու տեռորիստ: Որովհետև խորհրդարանում հայտնված ուժերն այնքան կանխատեսելի ու պրիմիտիվ են վարքուբարքում... իրենց գործողությունների, այսպես ասած՝ արեալը, այնքան սահմանափակ է, որ ծերից ծեր երևում է նրանց ունակությունների ռեսուրսը: 

Ու սա դեռ միայն խոսքակռիվն է: Հեռու չէ այն օրը, երբ սկսեն ձեռնամարտի անցնել: Այսօր արդեն դրա «գեներալնի ռեպետիցիան» եղավ: Այնպես են իրար գզելու, որ Սասուն Միքայելյանն ու Էդմոն Մարուքյանը կարող են եղբայր-պատգամավորներ ճանաչվել:

«Սանտա-Բարբարայի» երաժշտությունը դրա համար էինք սկզբից միացրել: Որոհետև սա սերիալ է, որտեղ նույն դերասանները ամեն նոր սերիայում նոր տեսարաններ են ներկայացնելու:

Ի՞նչ պետք է անել: Նախ, պետք է մտցնել դեղին և կարմիր քարտերի համակարգը, ոնց որ՝ ֆուտբոլում: Ով իրեն խելոք չի պահում, Ալենը... Ալեն Սիմոնյանը (չբռնեն, մեզ էլ նախազգուշացում տան) նրան դեղին քարտ ցույց տա: Կրկնվելու դեպքում երկրորդ դեղին է տալիս, որը ավտոմատ վերածվում է կարմիրի և պատգամավորը հեռացվում է կրկեսադաշտից: Իսկ ով որ շատ կոպիտ և միտումնավոր խախտում է անում, օրինակ, ասում է՝ թուրքի լրտես, ջհուդասորոսագործակալ, դա «պրյամոյ» կարմիր է, միանգամից է հեռացվում: 

Եվ երկրորդը. դե, քանի որ խորհրդարանի ամբողջ տարածքը հեղեղված է անվտանգության աշխատակիցներով, միանգամից դահլիճում էլ մի քանի պոստեր տեղադրեք, յուրաքանչյուր խմբակցության կողքին՝ 2-ական պոստ, որ հենց կռվի հոտ է գալիս, կամ հակառակորդները սադրանքների են դիմում, անմիջապես պատասխան գործողություններով լռեցվեն և հեռացվեն: 

Առայժմ այսքանը: Տամ-տարա-ռաա՜, տամ-տարա ռաա՜-ռաաաաաա՜... Վերջ 126-րդ սերիային:
 



 Պիտակներ

         Նարեկ Գրիգորյան, Աննա Մկրտչյան, Արփի Դավոյան, ԱԺ, Ալեն Սիմոնյան, Իշխան Սաղաթելյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները

Գույժ
Գույժ
16.10.2021 / 9021




























Հերքում
Հերքում
12.10.2021 / 1401

Պողոսի երազը
Պողոսի երազը
12.10.2021 / 1321