Անդրադառնալով ընդհանուր իրավասության քրեական դատարանի դատավոր Դավիթ Հարությունյանի («Կրակեմ Հրաչի» որդու) լիազորությունների դադարեցմանը՝ Նիկոլ Փաշինյանի ընտանիքին պատկանող «Հայկական ժամանակը» գրել է, թե «Դավիթ Հարությունյանը մինչև հեղափոխությունը բավարարել է մարդկանց կալանք տալու դատախազության միջնորդությունները 99 տոկոս դեպքերում, իսկ հեղափոխությունից հետո այլ մոտեցում է ցուցաբերել»։
Փաստորեն «Հայկական ժամանակն» իր կամքից անկախ նշել է «Կրակեմ Հրաչի» որդու լիազորությունների դադարեցման իրական պատճառը։ Նիկոլ Փաշինյանը կցանկանար, որ այդ դատավորն իր օրոք ճիշտ նույն կերպ շարունակեր կատարել դատախազության բոլոր հանձնարարությունները և ում անունը տային՝ կալանավորեր, բայց նա «այլ մոտեցում է ցուցաբերել», այսինքն՝ Նիկոլ Փաշինյանի ձևակերպմամբ, հրաժարվել է «իր պատերի տակ վնգստալ»։ Իսկ դա «ժողովրդավարության բաստիոնում» շատ լուրջ հանցանք է։
Սպասենք հետագա պատժամիջոցներին։ Առավել ևս՝ որ «այլ մոտեցում ցուցաբերած» նախկին դատավորի ունեցվածքի ցանկն արդեն հրապարակվել է։