...

Ցուրտը տարել է ոմանց

Ցուրտը տարել է ոմանց

«Եթե ապրիլյանից դասեր քաղած չլինեինք, 44-օրյա պատերազմը այլ ելք կունենար ու այլ ժամկետներ»,- այսօր Եռաբլուրում հայտարարել է Գլխավոր շտաբի պետ Արտակ Դավթյանը:

«ՉԻ». Չէ, իսկապես ցուրտը տարել է ոմանց: Փաստորեն, ըստ ԳՇ պետի տրամաբանության, եթե աստված մի արասցե կրկին պատերազմ լինի և այն տևի ասենք՝ 120 օր, և մենք պարտվենք, կստացվի, որ հետևություններ ենք արել անցած տարվա պատերազմից:

Ի՞նչ հետևություններ եք արել: Կամիկաձե ԱԹՍ-ներ եք գնե՞լ, թե՞ ՀՈՊ արդյունավետ միջոցներ: Հետախուզությո՞ւնն է արդյունավետ աշխատել և ներկայացրել հարձակման ժամկետները և ուղղությունները: Իհարկե՝ ոչ: Գուցե ՄՈԲ-ը չձախողվեց և կրկին չմնացի՞նք ջոկատների հույսին: Պետք է հիասթափեցնենք գեներալին, բայց հենց այդպես էլ եղել է:

Ինչպես ապրիլյանի դեպքում, այնպես էլ անցած տարի, հայ ժողովուրդը բանակի համար ուտելիք, հագուստ ու դեղեր էր հավաքում:

Իմիջիայլոց, Դավթյանի նախորդը՝ Օնիկ Գասպարյանը, վաղուց հայտարարել է, որ պատերազմի չորրորդ օրը զեկուցել է՝ պարտվում ենք, պետք է կանգնեցնել պատերազմը: Այսինքն՝ գրեթե խոստովանել է, որ ապրիլյան պատերազմի համեմատ դրական տեղաշարժ չկա, չկան սերտած արդյունավետ դասեր:

ՎԱՐԿԱՆԻՇ

   973 ԴԻՏՈՒՄ

Տարածեք

ՆՄԱՆԱՏԻՊ ՆՅՈՒԹԵՐ
Դեպի ՎԵՐ