Երեքշաբթի 07.12.2021 16:04

18.11.2021   11:30
578

Երկրի՛ն է պետք


Վանո Սիրադեղյանի վերջին հանգրվանի տեղը հենց իր՝ Վանոյի համար որևէ նշանակություն չունի։ Պանթեոնում կլինի թե ուրիշ տեղ, նրա գրականության համար նշանակություն չունի։ Վանոյի նկատմամբ հարգանքը երկրին է պետք, մեզ է պետք։

Եվ հանձնաժողովի՝ պռատ կրթությամբ ոմն նախագահի կարծիքը նրա գրականության մասին, անշուշտ, բնութագրում է միայն պռատին։ Եվ այն, որ հիմա էլ մեջտեղ եք բերել հասարակական պահանջ լինել-չլինելու հարցը, ընդամենը ձեր էությունն է ցույց տալիս՝ փոքրիկ, խեղճ, չկայացած։

Իսկ հիմա հերթով։ 

1․ Արդեն ապացուցել եք, որ երկիր, պետություն հասկացությունները ձեզ համար անհասանելի են։ Ապացուցել եք՝ մեր անկախության 30 տարիներն անդադար փնովելով (պատերազմի, պարտության, Սյունիքի և Արցախի մասին այստեղ չենք խոսի)։ Դուք ատում եք անցյալը, որովհետև անգամ ենթագիտակցորեն հասկանում եք, որ ո՛չ Լևոն, ո՛չ էլ Վանո կդառնաք։ Ձեր վարչապետը, թաղման ոչ այնքան հարգելի՛ հանձնաժողովականներ, Վանոյի ու Լևոնի կողքին գոյատևելու ժամանակ ոչինչ չսովորեց, բայց բոցավառվեց նրա՛նց հաղթելու մոլուցքով։ Չի ստացվել։ Քաղաքական գործիչ, պետության ղեկավար դառնալու համար ուրիշ մտահորիզոն, ուրիշ խորք պետք է ունենալ։ Չունի։

2․ Գրող Վանոյին այս տարվա նոյեմբերի 13-ին կարդում ու կարդացածը տարածում էին երիտասարդները։ Գրող, հրապարակախոս Վանոյի խոսքով էին ողողված հայկական սոցցանցերը հատկապես պարտությունից հետո, որովհետև «Գյադաների ժամանակում» նաև ձեր «Թուլեքի Թագավորությունն է»։ 

Որևէ նորմալ մարդու մտքով անցա՞վ ձեր վարչապետի այնքա՜ն գովազդված գրքից մեջբերում անելը։ Չանցավ։ Որովհետև գրողի գրած չէ, որովհետև երկրի մասին չէ, մարդու մասին չէ։ Որովհետև գրամոլը չի կարող մրցել զտարյուն գրողի հետ։ Եվ գրամոլը դա գիտի։ Եվ գրամոլը նախանձից կուչուձիգ է լինում։ 

3․ Ասում եք՝ հասարակական պահանջ։ Հասարակական պահանջով Եղիշե Չարենց են ոչնչացրել, Բակունց են գնդակահարել։ Հասարակական պահանջով Եղիշե Չարենցը գերեզման չունի։ 

Ասում եք՝ հասարակական պահանջ։ Սովոր եք հասարակության կամ ժողովրդի թիկունքում թաքնվելուն։ Շատ հարմար է։ Որոշումներից խուսափելու լավագույն ձևն է նրանց համար, ովքեր չեն ուզում որևէ հարցում պատասխանատու լինել։  

Մի պահ թվում էր՝ Ռոբերտ Քոչարյանի ցասումից եք վախենում։ Բայց ո՛չ։ Նախկիններն այս անգամ ոչ մի կապ չունեն։ Ընդամենը չկայացածների նախանձն է։ Ուրիշ ոչինչ։

Եզրակացնենք։ Գրող, պետական գործիչ (այո՛, պետական, ոչ թե քաղաքական) Վանո Սիրադեղյանը պետք է հուղարկավորվի Կոմիտասի անվան պանթեոնում, որովհետև դա պետք է երկրին, մեզ, սերունդներին։ 

Զարուհի Գաբրիելյան



 Պիտակներ

         Զարուհի Գաբրիելյան, Վանո Սիրադեղյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները