...

«Ես ուզում եմ, որ Սերժ Սարգսյանը մեծ հարված ստանա». Վազգեն Մանուկյան

«Ես ուզում եմ, որ Սերժ Սարգսյանը մեծ հարված ստանա». Վազգեն Մանուկյան

Ներկայացնում ենք մամուլի՝ տարիների վաղեմություն ունեցող մի շարք հրապարակումներ, որտեղ Վազգեն Մանուկյանը իր տեսակետներն է հայտնում օրվա իշխանության, ներքաղաքական զարգացումների, արտաքին հարցերի վերաբերյալ:

Որ մարդիկ իմանան, թե ինչպես է Վազգեն Մանուկյանը տարիներ առաջ հանցագործ և իշխանությունը զավթած կարիերիստ համարել Ռոբերտ Քոչարյանին, այն Քոչարյանին, որի համար այսօր նա պատրաստ է իշխանություններին հոշոտել: Ավելին, կանխատեսել է՝ Քոչարյանի կողմից ընտրություններ կեղծելը բերելու է տարածքային կորուստների: Նույն ոճով խոսել է նաև Սերժ Սարգսյանի մասին, այն Սերժ Սարգսյանի, որից ստացավ «իդիոտ» մականունն ու Հանրային Խորհրդի նախագահի պաշտոնը: Հայ-թուրքական հարաբերությունների մասին է հետաքրքիր մտքեր հայտնել: Մի խոսքով, վայելեք:

«ԱԺՄ նախագահ Վազգեն Մանուկյան. «Վերջերս սկսել են ասել, թե նայեք՝ ո՞վ է կանգնած հարթակում. մենք ենք կանգնած, մեր հասարակությունն է կանգնած՝ իր բոլոր գույներով, բոլոր շերտերով, մարդիկ, որ երբեմն իրար հակառակորդ են եղել, տարբեր կերպ են մտածել, բայց սա է մեր հասարակությունը, և հասարակությունն այստեղ է։ Իսկ ո՞վ է դիմացը՝ դիմացն այն խուժանն է, որը դանակահարո՞ւմ է, այն խուժանն է, որը ենթարկվում է ցանկացած հանցագործ հրահանգների՞»:

«Առավոտ», 25.2.2003

«Եթե ընտրություններն ընթանան երկու փուլով, և ԱԺՄ առաջնորդը չհաղթահարի առաջին փուլը, ապա՝ ԱԺՄ-ն «Քոչարյանին չի պաշտպանի, բայց մեր դիրքորոշումը կախված կլինի նրանից, թե ով կանցնի»։ Չնայած՝ Վ. Մանուկյանը ընտրություններն առաջին փուլով ավարտելու ձգտում է տեսնում և պարզաբանում, որ «երկրորդ փուլում Քոչարյանի վիճակն ավելի ծանր կլինի»։ 

Ընտրություններին միջազգային հանրության վերաբերմունքի առիթով՝ բանախոսը հետևյալ կարծիքը հայտնեց. «եթե ընտրությունները լինեն ոչ նորմալ, միջազգային հանրությունը կարող է օգտվել դրանից՝ տարածաշրջանային խնդիրների լուծման առումով»։ Որ այդ պարագայում «Ղարաբաղի հարցում կորուստներ կունենանք», Վ. Մանուկյանն անխուսափելի է համարում։ Իսկ հայ-թուրքական հարաբերությունների առիթով, ՄԱԱ հյուրը գտնում է, որ «վաղ թե ուշ հայկական և թուրքական կառավարությունները պետք է բանակցեն այդ խնդիրների շուրջ»:

«Առավոտ», 14.02.2003

«Ես Ռոբերտ Քոչարյանին կամ Սերժ Սարգսյանին չեմ դիմում: Իրենք Ադրբեջանի կոմկուսի և կոմսոմոլի նոմենկլատուրայի մեջ աշխատում էին, այնտեղ կարիերա էին ուզում անել, իրավիճակը փոխվեց, հիմա այստեղ են կարիերա անում,- ասաց Վազգեն Մանուկյանը:

- Ուզում եմ դիմել Անդրանիկ Մարգարյանին. ուրեմն Նժդեհին, որը զարգացած, խելոք, ազատամիտ ու խիստ բարոյական մարդ էր, ու որը կարողացավ Զանգեզուրը պահել մեզ համար, փոխարինել է Լիցկա՞ն՝ քրեական հանցագործ և անգրագետ մի մարդ: Ուրեմն՝ Հանրապետական կուսակցությունն այդպե՞ս է տեսնում իր նժդեհականությունը… 

Մի քանի ձայն ավելի հավաքելու համար պահում են, հետո չգիտեմ՝ կարող է դեն շպրտեն իրենց այս մարզպետին, ուրիշ մարդ բերեն»: Վազգեն Մանուկյանը վերահաստատեց, թե մասնակցելու է Սամվել Բաբայանի քարոզարշավին, որ նրա մրցակիցը՝ Սերժ Սարգսյանի եղբայրը չդառնա պատգամավոր. «Եթե այստեղ նրա եղբայրը չընտրվի, ապա դա Սերժ Սարգսյանի համար մեծ հարված կլինի: Ես ուզում եմ, որ Սերժ Սարգսյանը մեծ հարված ստանա»,

«Առավոտ», 21.03.2007

«Որ այսօր նույնքան ազգային խնդիր է Քոչարյանին պատժելն ու իշխանությունից հեռացնելը, որքան 1988, 1990, 1992-94 թթ., երբ ժողովուրդը համախմբված պայքարում էր ղարաբաղյան շարժման, անկախության ու պատերազմում հաղթանակելու համար: Իսկ հետո հռետորական հարց ուղղեց, թե ո՞նց կարող է այդքանից հետո «մեկը գա ու մեր ձեռքից խլի այդ ամենը: Մի մարդ, որը ոչ մի անգամ չի ընտրվել ո՛չ Ղարաբաղի, ո՛չ էլ 2 անգամ Հայաստանի նախագահ»,- ասաց Վ. Մանուկյանն ու իր զարմանքն արտահայտեց ազգային կոչվող ՀՅԴ և Հանրապետական կուսակցությունների մասին, որոնք, իր իսկ խոսքերով, ոտնահարելով ժողովրդի իրավունքները, «ինչ-որ մեկին պահում են իշխանության»՝ համարելով, թե դա է ազգայինը. 
«Դրանից ավելի ապազգային գործարք լինել չէր կարող»,- նկատեց նա՝ նշելով, որ Քոչարյանի թիմը ևս վստահ է, որ Քոչարյանը մեկ տարուց ավելի չի դիմանա և որքան շուտ հեռանա՝ այդքան լավ մեր երկրի համար», «Առավոտ»,

«Առավոտ», 12.03.2007

#Tags / Պիտակներ

ՎԱՐԿԱՆԻՇ

   2959 ԴԻՏՈՒՄ

Տարածեք

ՆՄԱՆԱՏԻՊ ՆՅՈՒԹԵՐ
Դեպի ՎԵՐ