«ՆԵՐԿԱ ՎԱՏԸ ՉԻ ԿԱՐԵԼԻ ԱՐԴԱՐԱՑՆԵԼ ՆԱԽԿԻՆ ՎԱՏՈՎ»:
Նախկինում վատ բաներ եղել են: Մենք բոլորս էլ գալիս ենք նախկին ժամանակաշրջանից: Նախկինում շատերը իշխանափոխության որևէ հեռանկար չտեսնելով չեն խոսել, չեն քննադատել կամ չեն բողոքել: Իշխանափոխությունը եղավ վատ երևույթները (այդ թվում՝ ազատ խոսելու վախը) վերացնելու պատճառաբանությամբ:
Հետևաբար՝
1. Ներկա ՎԱՏը չի կարելի արդարացնել նախկին ՎԱՏով.
2. Ներկայում քննադատող մարդուն, հատկապես՝ երիտասարդին, ՉԻ ԿԱՐԵԼԻ մեղադրել նախկինում չքննադատելու համար:
Հակառակ դեպքում, առաջ չենք գնա»:
Ֆեյսբուքյան գրառման հեղինակը Արա Զոհրաբյանն է:
«ՉԻ». Փաստաբանների պալատի ղեկավարը ամենայն հավանականությամբ նկատի ունի դաշնակցական երիտասարդին, որն այսօր բանավեճի էր բռնվել վարչապետի հետ: Նրա վերաբերյալ համացանցում արդեն քանի ժամ է հումորներ և մեմեր են ծնվել:
Բայց գրառման մեջ ավելի շատ ինքնախոստովանություն կա: Զոհրաբյանը իր խոսքերով չունենալով իշխանափոխության հույս՝ երբևէ ձայն չի հանել, երբևէ չի խոսել որևէ ՎԱՏ բանի մասին: Եթե մի փոքր կոպիտ ձևակերպենք՝ անգամ ծպտուն չի հանել: Եվ հիմա որոշել է առավոտից երեկո գրառումներ անել և լուսավորել հասարակությանը Ստամբուլյան կոնվենցիայի թաքնված վտանգների մասին: Ձայն չի հանել, երբ փաստաբաներ էին ծեծում և ստորացնում: Խելոք իր համար նստել և իրականացել է վերևից եկած հրահանգները: Մի խոսքով՝ իրեն պահել ոչ թե որպես առանձին, անկախ ինստիտուտի ղեկավար, այլ ասենք՝ Արդատադատության նախարարության մի որևէ վարչության պետ:
Մի խոսքով՝ «ниже травы, тише воды»: Եվ հիմա կոչ է անում չհիշեցնել ոմանց մինչհեղափոխական ժամանակաշրջանի վտանգավոր լռությունը: