Փաստաբանների պալատի նախագահ Արա Զոհրաբյանը իր ֆեյսբուքյան էջում դիմել է Արծրուն Հովհաննիսյանին և գրել.
«Մի բարեկամական խնդրանք ունեմ Ձեզ:
Հայաստանի բնակչության 94 տոկոսից ավելին քրիստոնեություն է դավանում:
Երբ, որ մեր երկրում մարդկանց աստվածներ եք համարում, և 80 հազարից ավելի մարդ էլ հավանում է Ձեր գրառումը, հոգևոր տեսակետից մեծ խնդիր եմ տեսնում: Կռապաշտությունը (մարդապաշտությունը) մեզ լավ տեղ չի տանի:
Ռազմիկները մեր եղբայրներն ու քույրերն են, բայց նրանք աստվածներ չեն: Ձեր պատասխանատու դիրքը հաշվի առնելով, խնդրում եմ մարդկանց աստվածներ չկոչել»:
«ՉԻ». Երևի շատերդ եք ճանաչում փաստաբան Երվանդ Վարոսյանին: Մեր կարծիքով, իրեն պետք է դատի տալ:
Ծանր հանցանք է գործել, որ ժամանակին այս Արա Զոհրաբյանի դեմ պայքարում չի կարողացել հասնել նրան, որ նրան պաշտոնազրկեն: Պետք է դատի տալ նաև բոլոր նրանց, որոնց շնորհիվ Արա Զոհրաբյանը Փաստաբանների պալատի նախագահ է դարձել:
Էս վերջն է: Էս աստիճանի տկարամի՞տ: Ու խոսել մի բանից, որից ընդհանրապես հեռու է հազարավոր կիլոմետրերով: Ինքն ուղղակի չի լսել, որ հրետանին համարվում է պատերազմի աստվածը, իսկ լավ հրետանավորներին ամեն տեղ են աստվածացնում: Սա հաստատ բանակում էլ չի ծառայել: Կամ ուրիշ գրելու բան չկա՞ր: