Շալգամը ղազախական խոհանոցի կծու բանջարեղենային աղցաններից է, որը սովորաբար մատուցում են փլավի հետ: Աղցանը պատրաստելուց հետո պիտի մի քանի ժամ սառնարանում թողնեք: Այդպես այն ավելի համեղ կստացվի:
Բաղադրիչները
2 բաժնի համար
- 250 գ բողկ
- 1-2 հատ գազար
- 1 հատ քաղցր պղպեղ
- 1 գլուխ սոխ
- 1 պճեղ սխտոր
- 2 ճ.գ. 6 %-անոց քացախ
- 1 ճ.գ. շաքարավազ
- 2 ճ.գ. բուսական յուղ
- աղ
- աղացած կարմիր կծու պղպեղ
- 1 փունջ կանաչի
Պատրաստման եղանակը
- Բանջարեղենն ու կանաչին լվացեք ու մաքրեք:
- Կանաչին ու սխտորը մանր կտրատեք, բանջարեղենը տաշեղաձև կտրատեք, սոխը՝ կիսաօղակաձև:
- Համեմունքն ստանալու համար պնակի մեջ խառնեք բուսական յուղը, քացախը, կարմիր կծու պղպեղն ու շաքարավազը:
- Կտրտած բանջարեղենը լցրեք մեծ պնակի մեջ, աղ արեք, վրան լցրեք ստացած համեմունքը: Մի քանի ժամով կամ ողջ գիշեր թողեք սառնարանում: Ապա հանեք, լցրեք աղցանամանի մեջ ու մատուցեք: