Պատրաստեք ապխտած հավի մսով, շամպինյոններով ու բրնձով այս համեղ ուտեստը:
Բաղադրիչները
4 բաժնի համար
- ապխտած հավի 2 կրծքամիս
- 2 բաժակ բրինձ
- 1 գլուխ սոխ
- 100 գ շամպինյոն
- 1 հատ քաղցր կարմիր տաքդեղ
- 1 բաժակ հավի արգանակ
- 1 ճ.գ. կարրի (կծու)
- 2 ճ.գ. կարագ
- 4 ճյուղ մաղադանոս
- աղացած սև պղպեղ
- աղ
Պատրաստման եղանակը
- Հավի կրծքամիսը խորանարդաձև կտրատեք, աղ արեք ու տապակեք մինչև ոսկեգույն երանգ ստանալը:
- Սոխը օղակաձև կտրատեք: Կտրատեք նաև շամպինյոնները: Երկուսը միասին տապակեք կարագի մեջ:
- Քաղցր տաքդեղը տաշեղաձև կտրատեք:
- Հավի կրծքամիսը խառնեք շամպինյոնների, սոխի ու քաղցր տաքդեղի հետ: Վրան լցրեք բրինձը, արգանակը, աղ ու պղպեղ արեք, ավելացրեք կարրին ու խառնելով՝ 25 րոպե եփեք:
- Մատուցելիս լցրեք մեծ ափսեի մեջ ու ձևավորեք կանաչիով: