Բադրիջանի հայրենիքը համարվում են Միջին Արևելքը, Հարավային Ասիան ու Հնդկաստանը, որտեղ այս բանջարեղենը սկսել է օգտագործվել ավելի քան 1500 տարի առաջ: Իսկ Եվրոպայում այն հայտնվել է 15-րդ դարում:
Բադրիջաններից ուտեստ պատրաստելու ահա այսպիսի հասարակ ու համեղ տարբերակ է առաջարկում սիրիական խոհանոցը:
Բաղադրիչները
- 3 խոշոր բադրիջան
- 1-2 պճեղ սխտոր
- 200 գ բնական յոգուրտ
- ձիթապտղի ձեթ
- 1 թ.գ. աղ
Պատրաստման եղանակը
- Բադրիջանները մաքրեք կեղևից, 1 սմ հաստությամբ օղակաձև կտրատեք: Բադրիջանի օղակների վրա աղ արեք, թողեք 30 րոպե, մինչև շագանակագույն երանգ ստանա:
- Բադրիջանի օղակները լվացեք, չորացրեք անձեռոցիկով:
- Հաստ հատակով մեծ թավայի մեջ տաքացրեք ձեթը, կիսափակ կափարիչի տակ երկու կողմից տապակեք բադրիջանները, մինչև ոսկեգույն երանգ ստանալը: Անհրաժեշտության դեպքում տապակելու ընթացքում ձեթ ավելացրեք:
- Պատրաստի բադրիջանները տեղադրեք անձեռոցիկների վրա, որպեսզի ավելորդ յուղը քամվի:
- Ապա բադրիջանի բոլոր կտորները մեծ թասի մեջ լցրեք, պատառաքաղով տապակեք, մինչև միատարր զանգված ստանաք:
- Սխտորը մաքրեք, ճզմեք, մի քիչ աղ ավելացրեք: Ավելացրեք նաև յոգուրտն ու խառնեք:
- Բադրիջանի մեջ ավելացրեք սխտորի յոգուրտն ու խառնեք: Մատուցելուց առաջ թողեք մի փոքր հովանա սենյակային ջերմաստիճանում: Մոտ 10 րոպե:
Խորհուրդ: Այս դեպքում բադրիջանի վրա աղ լցնելը անհրաժեշտ է ոչ թե դառնությունը կոտրելու, այլ նրա համար, որ բադրիջանների հեղուկը դուրս գա ու տապակելու ընթացքում այն իր մեջ շատ յուղ չներծծի: