Հեշտ ու համեղ. Բանջարեղենով գրիլ

Պատրաստեք բանջարեղենով գրիլը:

Բաղադրիչները
6 բաժնի համար

• 1 հատ բադրիջան
• 2 ցողուն պրասասոխ
• 2 հատ քաղցր պղպեղ
• 2 հատ դդմիկ
• 1 հատ ծաղկակաղամբ
• 1 ճ.գ. բալզամային քացախ
• 1 ճ.գ. մանանեխ (горчица)
• 1 ճ.գ. մաղադանոսի կտրտած տերևներ
• 1 թ.գ. կտրտած սխտոր
• 2 ճ.գ. ձեթ
• 1 բաժակ մայոնեզ

Պատրաստման եղանակը

1. Բադրիջանը երկար կտրատեք, աղ արեք, թողեք 15 րոպե, ապա լվացեք ու չորացրեք:
2. Պրասասոխի ցողունները կիսեք, քաղցր պղպեղը 8 մասի բաժանեք: Դդմիկը երկար կտրատեք:
3. Ծաղկակաղամբը մասնատեք, 2 րոպեով մտցրեք եռացող աղաջրի մեջ, ապա հովացրեք ու կտրատեք:
4. Մարինադի համար բալզամային քացախը խառնեք մանանեխի և մաղադանոսի տերևների կեսի հետ, հարեք՝ ավելացնելով ձեթը:
5. Բանջարեղենը 5 րոպե խորովեք ցանցի վրա՝ շրջելով ու վրան մարինադ քսելով:
6. Սոուսի համար սխտորը խառնեք մայոնեզի ու մնացած կանաչու հետ:
7. Մատուցելիս բանջարեղենը տեղադրեք սկուտեղի մեջ: Սոուսն առանձին մատուցեք: