Պատրաստեք այս համեղ ապուրը:
Բաղադրիչները
6 բաժնի համար
- 500 գ մսի խճողակ
- 100 գ բլղուր
- 4-5 հատ կարտոֆիլ
- 100-150 գ շամպինյոն
- 1 հատ գազար
- 1 հատ լոլիկ
- 1 փունջ կանաչ սոխ
- 1 ճ.գ. բուսական յուղ
- աղ
Պատրաստման եղանակը
- 3 լիտրանոց կաթսայի մեջ 1,5 լ ջուր լցրեք, դրեք կրակին ու եռացրեք: Մսի խճողակը ձեր ճաշակով աղ արեք, խառնեք ու գնդիկներ պատրաստեք: Մսագնդիկները լցրեք եռացող ջրի մեջ, եռալուց հետո կրակը ուժեղացրեք ու 15 րոպե եփեք: Արգանակի մեջ աղ լցրեք:
- Բլղուրը մի քանի անգամ լվացեք: Կարտոֆիլը մաքրեք, լվացեք, փոքր կտորներով կտրատեք: Բլղուրն ու կարտոֆիլը ավելացրեք մսագնդիկներով արգանակին:
- Գազարը լվացեք, խոշոր քերիչով քերեք: Սունկը, լոլիկն ու սոխը մանր կտրատեք:
- Թավայի մեջ տաքացրեք բուսական յուղը, 1-2 րոպե տապակեք գազարը, ապա ավելացրեք սունկը, լոլիկը և վերջում՝ սոխը:
- Տապակած բանջարեղենն ավելացրեք ապուրին և 10 րոպե թույլ կրակի վրա եփեք: Անհրաժեշտության դեպքում մի քիչ էլ աղ արեք: Մատուցեք տաք վիճակում: