Պատրաստեք այս համեղ ուտեստը:
Բաղադրիչները
6 բաժնի համար
- 2-3 հատ դդմիկ
- 200 մլ սերուցք (20%)
- 100 գ պինդ պանիր
- 3 հատ ձու
- 2 ճ.գ. ալյուր
- 20 գ կարագ
- աղ, աղացած սև պղպեղ՝ ըստ ճաշակի
Պատրաստման եղանակը
- Դդմիկները լվացեք, մաքրեք կեղևից ու խոշոր քերիչով քերեք:
- Ձվի դեղնուցներն ու սպիտակուցները առանձնացրեք:
- Պանիրը խոշոր քերիչով քերեք: 1/3 մասը պահեք սուֆլեի վերին շերտի համար, իսկ մնացածը խառնեք դեղնուցի հետ: Սպիտակուցը հարեք մինչև խիտ փրփուր ստանալը:
- Քերած դդմիկին ավելացրեք պանիրը դեղնուցով, սերուցքը, ալյուրը, աղն ու աղացած պղպեղը: Խառնեք:
- Վերջում զգուշորեն ավելացրեք հարած սպիտակուցը, խառնեք:
- Տապակը պատեք կարագով, մեջը լցրեք ստացված զանգվածը:
- Վրան լցրեք քերած պանիրը և 30 րոպեով տեղադրեք 180 աստիճան ցելսիուս տաքության ջեռոցում:
- Պատրաստ լինելուց հետո 10-15 րոպե թողեք անջատած ջեռոցի մեջ ու կարող եք մատուցել: