Պատրաստեք այս համեղ աղցանը:
Բաղադրիչները
2 բաժնի համար
- 2 հատ դդմիկ
- 2 ճ.գ. ձիթապտղի յուղ
- 1 պճեղ սխտոր
- 50 գ ընկույզ
- 5 ճյուղ մաղադանոս
- աղ, աղացած սև պղպեղ
Պատրաստման եղանակը
- Դդմիկը լվացեք, փոքր խորանարդների ձևով կտրատեք: Մեծ թավայի մեջ տաքացրեք ձիթապտղի յուղը, դդմիկը տապակեք մինչև ոսկեգույն երանգ ստանալը: Կտրտած դդմիկը պիտի մեկ շերտով տապակեք, եթե թավան փոքր է, մաս-մաս տապակեք:
- Մաղադանոսը մանր կտրատեք, փոքր կտորներով կտրատեք նաև ընկույզը:
- Պատրաստի դդմիկը լցրեք պնակի մեջ, վրան լցրեք ճզմած սխտորը:
- Ավելացրեք կտրտած մաղադանոսն ու ընկույզը: Աղ ու պղպեղ արեք: Խառնեք:
- Լցրեք աղցանամանի մեջ ու միանգամից մատուցեք: