Պատրաստեք այս համեղ ուտեստը:
Բաղադրիչները
5 բաժնի համար
- 500 գ նեխուրի ցողուն
- 5 հատ հատիկավոր սև պղպեղ
- 3 հատ բահար (душистый перец горошком)
- 1 թ.գ. գինձ
- 3 հատ մեխակ
- 1 լ լոլիկի հյութ
- 1 ճ.գ. աղ
- 3 ճ.գ. շաքարավազ
- 1/2 պատիճ կծու պղպեղ չիլի
- 2-3 հատ դափնու տերև
- 1 գլուխ սխտոր
- 3 ճ.գ. խնձորի քացախ
Պատրաստման եղանակը
- Նեխուրը լավ լվացեք, տերևները հեռացրեք, ցողունների չոր հատվածները հեռացրեք, հարթեցրեք: Ցողունները մոտ 3 սմ երկարությամբ կտրատեք, լցրեք փակվող տարայի մեջ:
- Հատիկավոր սև պղպեղը, բահարը, գինձը և մեխակը տրորեք-մանրացրեք:
- Լոլիկի հյութը լցրեք կաթսայի մեջ, միջին ուժգնության կրակի վրա տաքացրեք՝ ավելացնելով աղը, շաքարավազը, մանրացրած չիլին, տրորած համեմունքներն ու դափնու տերևները: Մի քանի րոպե թույլ եռացրեք ու հանեք կրակի վրայից:
- Սխտորը դանակի բութ ծայրով ճզմեք, խոշոր կտրտեք ու քսեք նեխուրի ցողուններին:
- Լոլիկի տաք հյութի մեջ լցրեք քացախը ու խառնեք: Քացախը լցնելուց անմիջապես հետո լոլիկի հյութը լցրեք նեխուրի վրա, ամբողջությամբ հովացրեք, տարան կափարիչով ծածկեք ու տեղադրեք սառնարանում:
- Մատուցելուց առաջ նեխուրը գոնե մեկ օր պետք է սառնարանում մնա: Ինչքան երկար պահեք սառնարանում, այնքան այն համեղ կլինի: